وزیراعظم عمران خان نا کماشی ٹی بحری امور نا بابت معاملہ غاتا بارواٹی بڑزکو کہول انا دیوان اس

اسلام آباد۔ 14جنوری (اے پی پی) وزیراعظم عمران خان نا کماشی ٹی بحری امور نا بابت معاملہ غاتا بارواٹی بڑزکو کہول انا دیوان اس دوشنبے نادے آ داڑے اڈ ہلک۔ وزیر دفاع پرویز خٹک ، وزیر دفاعی پیداوار زبیدہ جلال ، وزیر بحری امور سید علی حیدر زیدی، پاک بحریہ نا سروک ایڈمرل ظفر محمود عباسی و سینئر کمامدارآک دیوان اٹی ساڑی ئسر۔ دیوان اٹی ملک انا میری ٹائم لائخ و اوڑتون تعلقدار معاملہ غاتیا سجفنگا۔ میری ٹائم بشخ اٹی اصلاحات تجویز کننگ کن بنجائی وزیر بحری امور نا سرکڑدہ ہی ٹی تعلقدار وزارت و نیول ہیڈ کوارٹرز نا سینئر نمائندہ غاتیا تالان بین الوزارتی کمیٹی اس ٹہیفنگا۔