سیالکوٹ۔ 14جنوری (اے پی پی) قومی اسمبلی نا ڈپٹی اسپیکر قاسم خان سوری جناح ہاؤس اٹی پریس کانفرنس کرسا پارے کہ علامہ اقبال نا شار آبسٹ خوشی مس ، ای پاکستان نا ہمو ڈیہہ ٹی بسونٹ ہراجاگہ نا جوڑ کروک آ گڑاک مچ آ دنیا ٹی سپلائی کننگرہ سیالکوٹ نا کاروباری تپہ ءِ باوری ترفوہ کہ قومی اسمبلی ٹی نما حق اکن توار چست کرسا کیوہ۔ ہندن ءُ پالیسی اتنگ اُن کہ زوت سیالکوٹ نا ایکسپورٹ 2 ارب آن ودسا 4 ارب اسکان سرمریک۔ داجاگہ نا ایکسپورٹر آک تینا ایئرپورٹ ءِ تینٹ جوڑ کریر ہرانا مثال مچ آ دنیا ٹی ملپک و او زمانہ ہنا ہراڑے ادارہ غاک ایکسپورٹر آتے تنگ کریرہ نن ہروڑنا سپورٹ کن تیار اُن۔ سیالکوٹ تحریک انصاف نا قلعہ ءِ وزیراعظم عمران خان تینا جوان انگا گوازی گر عثمان ڈار ءِ اہم زمواری اس تسنے ہراٹی یوتھ اکن ہندن ءُ پلان اس تیار کننگ انگ ءِ کہ بروک آ چینک ہم عمران خان کن دعا کیرہ۔
