اسلام آباد۔ 14جنوری (اے پی پی) وزیراعظم نا خصوصی کمکار سمندر پار پاکستانیز ذوالفقار عباس بخاری پارینے کہ اوغان راہداری واپار ہنڈی نا اسہ بھاز بھلو ذریعہ اسے ، دانا توننگ کن بڑزکو حکومتی کہول آ اوغان کمامدارآتون دا معاملہ ءِ چست کننگک۔ اوداہیت ءِ دوشنبے نادے آ ’’اے پی پی‘‘ تون گپ و تران کرسا پارے۔ خصوصی کمکار ذوالفقار عباس بخاری پارے کہ ہنڈی اسہ بھلو ویل اسے و دانا بابت وزیراعظم عمران خان پدریسہ میٹنگ کننگ ءِ، ہنڈی نا توننگ آن بیدس ملک انا معیشت ءِ ہچ ءُ فائدہ اس مننگ کپک۔ اوپارے کہ اوغان ٹرانزٹ ٹریڈ ہنڈی نا بھاز بھلو ذریعہ اسے ہراوخت اسکان داڑا کنٹرول کننگپک ننے مشکلات مریک دابابت ننے اوغان کمامدارآتا کمک نا گرج ءِ، دا بابت آن بروک آدے تیٹی اوغانستان نا بڑزکو کمامدارآتون گپ و تران گمانی ءِ۔
