اسلام آباد۔ 14جنوری (اے پی پی) بنجائی وزیر پاور ڈویژن عمر ایوب خان پارینے کہ سپریم کورٹ آئی پی پیز معاہدہ غاتا سرجم آتے جمع کرفنگ نا پرمان کرینے، متبادل توانائی پالیسی نا پڑو ءِ اِراتُو اٹی کننگک، مسکوہی حکومت آتا توانائی پالیسی تا جاچ ءِ ہلنگ اُن۔ دوشنبے نادے آ داڑے صحافی تتون گپ و تران کرسا عمر ایوب خان پارے کہ بجلی نا بشخ وپانٹ کروک کمپنی تے 60 درسد ادائیگی توانائی نا مد اٹ کننگک وخت اس کہ 40 درسد ادائیگی کاریم نا کچ انا مد اٹ کینہ۔ اوپارے کہ بجلی گھر تے کاریم نا کچ اکن ادائیگی کروئی تمک تانکہ او تینا لائخی نا رداٹ ہروخت بجلی فراوان کیر، سرکاری بجلی گھر تے ہم کاریم نا کچ اکن ادائیگی کروئی تمک ۔ متبادل ذریعہ اٹ توانائی نا پیدوار نا بابت پالیسی نا پڑو ءِ اِرا تُو اٹی کننگک۔ داچرجوئی ٹی نن مسکوہی حکومت آتا توانائی پالیسی تا ہم جاچ ءِ ہلنگ اُن۔ اسہ سوج اسے نا ورندی ٹی اوپارے کہ سپریم کورٹ آئی پی پیز معاہدہ غاتا سرجم آتے بٹنگانے نوشتہی وڑاٹ نن دا معاہدہ غاتا سرجم آتے سپریم کورٹ اٹی جمع کرفنہ۔ اوپارے کہ بجلی گھر تیان بجلی بیرہ حکومت ہلیک۔
