اسلام آباد۔ 14جنوری (اے پی پی) چین پاکستان اقتصادی راہداری (سی پیک) نا رداٹ گوادر پورٹ اٹی داوخت اسکان 250ملین ڈالر نا زرکاری کننگانے، 5پوسکن ءُ کرین خلنگانے، اِرالکھ 20 ہزار گیلن صاف دیر ہردے تننگ انگ ءِ، گوادر اٹی سیوریج ڈسپوزل سسٹم و کارگو ہینڈ لنگ کن ازباب ہم نصب کننگانے۔ دوشنبے نادے آ چینی سفارت خانہ نا کنڈآن جاری دستاویز آتارداٹ پاکستان و چین نا نیام اٹ گوادر پورٹءِ جہانی و پوسکن آ بندرگاہ جوڑ کننگ اٹ کمک رسینگک ہموڑے اقتصادی زون تے عملی دروشم اس ترسا پاکستان اٹی صنعتی انقلاب کن کسر آوار مریک۔ دستاویز آتارداٹ گوادر ایسٹ بے ایکسپریس وے ڈٹ 18.9 کلومیٹر چارلین شاہراہ ءِ جوڑ کننگ انگ ءِ، دا شاہراہ گوادر بندرگاہ ءِ مکران کوسٹل ہائی وے ، فری زون و آخبت نا کنٹینرز ٹرمینل تون ملفک، اسہ ایلو نا علم و آزموندہ غاتیان فائدہ ہرفسا تین پہ تینی مفید کمکاری نا کمک اٹ سی پیک ءِ سوگووڑاٹ مون آ دینہ تانکہ ہڑتوم آ ملک آتا شونداری و شونہالی کن کاریم کننگے۔ چائنا پاکستان اقتصادی راہداری معیشت کن گیم چینجر اس جوڑ مریک۔
