اسلام آباد۔ 13جنوری (اے پی پی) بنجائی وزیر اطلاعات و نشریات چوہدری فواد حسین پارینے کہ سعودی عرب وپاکستان اِرا ایلم ءُ و اوفتا نیام اٹ تین پہ تینی شرف، کمک و پت انا رشتہ جوڑ ءِ۔ اوداہیت ءِ یک شنبے نادے آ سعودی عرب نا وزیر اطلاعات ترکی الشبانہ تون ٹیلی فون آ گپ و تران کرسا پارے۔ چوہدری فواد حسین سعودی ہم منصب ءِ پوسکن آ زمواری تا سنبھالنگ آ مبارکبادی تس۔ گپ و تران اٹی سعودی عرب و پاکستان نا نیام اٹ خڑکی تعلقداری تا بت گپ و تران مس۔ چوہدری فواد حسین پارے کہ نن ولی عہد شہزادہ محمد بن سلمان نا دورہ پاکستان نا چاری اُن، سعودی ولی عہد نا دورہ پاکستان آن ہڑتوم آ ملک آتا متکن آ تعلقداری تے ٹی پین سوگوی بریک۔ اوپارے کہ سعودی عرب و پاکستان اِراایلم ءُ و اوفتا نیام اٹ تین پہ تینی شرف ، کمک و پت انا رشتہ جوڑ ءِ۔ سعودی عرب نا وزیر اطلاعات چوہدری فواد حسین نا کنڈآن نیک است خواہی تا درشانی آ بنجائی وزیر نا منت واری ءِ ہرفے۔
