قدرتی آفت ءِ رسک ءَ را کم کنگ ءِ واستہ دمگی تک ءَ یکجائی ءَ کار کنگ ءِ ضلورت انت، صدر آصف علی زرداری ءِ قدرتی آفت ءِ رسک ءَ را کم کنگ ءِ میاں اوستمانی روچ ءِ سر ءَ کلوہ

اسلام آباد۔13اکتوبر  (اے پی پی): صدر آصف علی زرداری ءَ قدرتی آفت آنی ھترہ آناں کم کنگ ءِ واستہ دمگی تک ءَ یکجائی ءَ کار کنگ ءِ ارزشت ءَ را پدر کنان ءَ گوشت کہ مشترکہ دریا ءُ یکجائی ھترہ آنی ھوالگ ءَ گیشیں میاں اوستمانی کمک المی اِنت۔ راجی ءُ میاں اوستمانی گلاں آفت ءِ گر ءُ دار ءِ دیمروئی ءَ را وتی کار ءِ یک جتائیں بہرے جوڑ کنگی اِنت۔ پاکستان موسمی آفتانی ھلاپ ءَ جہد ءِ تہ ءَ رہشون جوڑ بوت کنت، نہ کہ ایوک ءَ یک آماچیں ملکے جوڑ بوت کنت۔ آئی ءَ اے گپ قدرتی آفت ءِ رسک ءِ کمی ءِ میاں اوستمانی روچ ءِ سر ءَ وتی کلوہ ءِ تہ ءَ گوشت کہ سرجمیں پاکستان ءَ ھمک سال 13اکتوبر ءَ دارگ بوھگ ءَ اِنت۔ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ مرچی ما انچیں روچ ءِ سر ءَ آں ۔ ما ھما چیز ءَ برجم دارگ ءَ ایں کہ پاکستان ءِ واستہ سک باز المی اِنت۔ ما چہ سیلاب، زمین چنڈ، شدیدیں گرمی ءُ ھشک سالی ءَ گوستگ۔ ما زانیں کہ آفتانی سبب ءَ زندگی، لوگ ءُ روزی ءِ ھرچ ءُ درچ چے اِنت۔ ما زانتگ کہ ما ایوک ءَ رد عمل پیش مہ کنیں بلکیں پیشگی منصوبہ بندی بہ کنیں۔ ما بازیں وھدے ءَ آفتانی آیگ ءِ ودار ءَ اتیں ءُ پدا پہ کمک ءَ رھادگ بوتیں ۔ اے گپ دگہ ھچ نہ اِنت۔ آئی ءَ گوشت کہ پاکستان ءِ نیشنل ڈیزاسٹر مینجمنٹ سسٹم ءَ مصنوعی ذہانت، سیٹلائٹ ءُ ریئل ٹائم ڈیٹا ءِ کارمردی ءَ چہ ھترہ آنی پجارینگ ءِ تہ ءَ جوانیں کار کتگ۔ اے نظام آبادی ءَ را زوتیں ھال ءُ اھوال دنت ءُ آپ ءِ تہ ءَ گیشی ءَ پیسر مردماں چہ امن تریں جاھاں روگ ءَ کمک کنت۔ صدر ءَ گوشت کہ بنجاہی آبادی ءُ بنجاہی حکومت آفت آنی ھلاپ ءَ مئے اولی دفاع ءِ لیکہ انت، ھچ وفاقی کارگس وتی مردم آنی چہ گیش یک میتگ ءِ رکھینگ ءَ نہ کنت۔ آئی ءَ گوشت کہ دمگی انتظامیہ ءُ کمیونٹی رضاکار باز براں اولی مردم بنت کہ آ ریلیف آپریشن آنی تہ ءَ بھر زور اَنت پرچا کہ آ وتی دمگ ءُ اودا مردم آناں چہ آشنا اَنت۔ صدر ءِ مملکت ءَ راجی ءُ میاں اوستمانی ادارگ آناں زور پر دات کہ آ آفت ءِ تیاری ءَ را وتی کار ءِ بنیاتی بھر جوڑ بہ کن اَنت۔ پاکستان ءِ ماڈل آفت ءِ رسک ءَ را کم کنگ ءَ ھم کمک کت کنت۔ صدر آصف علی زرداری ءَ چہ میاں اوستمانی براتی ءَ را زور پر دات کہ آ قدرتی آفت ءِ ھترہ ءِ کمی ءِ واستہ دمگی کمک ءَ را دیم ءَ برگ ءُ دمگ آناں یکجائی ءَ کار کنگ ءِ واستہ یکجائی ءِ ھترہ آناں گر ءُ دار کنگ بہ بیت۔ زوتیں ھال ءُ اھوال زوت چہ سرحداں سر بہ بنت۔ صدر ءِ مملکت ءَ گوشت کہ مارا گلوبل واٹر اسٹیبلٹی پروگرام، گلوبل گلیشیر پروٹیکشن انیشیٹیو، گلوبل فوڈ فار گلوبل فوڈ سیکیورٹی اینڈ کلائمیٹ اڈاپٹیشن ءِ ضلورت اِنت، وھدیکہ مارا وتی چاگرد ءِ رکھینگ ءِ واستہ موثر کانود ءُ مشترکہ دریا ءُ مشترکہ ھترہ آنی سر ءَ گیشیں میاں اوستمانی کمک ءِ ھم ضلورت اِنت۔ صدر ءِ مملکت ءَ گوشت کہ آئی ءَ پاکستانی اُلس ءِ جرات، آماچیں آبادی آنی تابکاری، رضاکار آنی گواہ بوتگ کہ آ دگہ مردم آنی جان ءِ رکھینگ ءِ واستہ وتی جان ءَ را ھترہ ءَ دئینت ءُ انسانی جان ءِ رکھینگ ءِ واستہ سائنسدان آنی روچ پہ روچ کوشست آنی گواہ بوتگ۔ من اے گپ ءِ سر ءَ سر بوتگ آں ءُ منی گمان اِنت کہ پاکستان موسمیاتی آفت آنی ھلاپ ءَ جنگ ءِ تہ ءَ سروک جوڑ بوت کنت، نہ کہ ایوک ءَ یک آماچیں ملکے جوڑ بوت کنت۔ صدر ءَ وتی نودربر آنی سر ءَ زور پر دات کہ بیا اِت نوں یکجائی ءَ کار کن ایں ۔ بیا اِت یک انچیں پاکستانے جوڑ بہ کن ایں کہ آ قدرتی آفتاں گوں گر ءُ چیل بوھگ ءِ لائک بہ بیت۔ آئی ءَ گوشت کہ پاکستان یک مھکمیں ءُ مھکمیں ملکے ءُ دیم ءَ جنزان کنت۔