اسلام آباد۔ 13 جنوری (اے پی پی) وزیر مملکت داخلہ شہریار آفریدی میڈیا غا تین تون گنڈوک خبر آتا تردید ءِ کرسا پارینے کہ اسلام آباد تون اوار مچ آ ملک اٹی منشیات نا برخلاف مہم او بناکرے ، کنا و وزیراعظم عمران خان نا وژن ملک ءِ منشیات آن پاک جوڑ کننگ نا ءِ۔ یک شنبے نادے آ تینا اسہ بیان اسے ٹی وزیر مملکت پارے کہ منشیات نا برخلاف مہم اٹی وزیراعظم عمران خان ءِ پشت پناہی دوئی ءِ ، منہ ڈوہدار ذہنیت نا خلقت کنتون عکس کشسا سوشل میڈیا غا شاغنگ ءُ ای لس سیاسی ورکر اسے اُٹ، کس اسے تین تون عکس ہلنگ آن منع کننگ کپرہ۔ اوپارے کہ مہم اٹی اگہ کس اس کنتون عکس جوڑ کرسا کاریم اٹ اتنگ ءِ تو اوڑتون کنا ہچ ءُ تعلق اس اف ، ای ا وخلقت اٹی دوشاغانٹ ہنداخاطران دا کنا شہرت ءِ نسخان تننگ ءُ۔ اوپارے کہ منشیات نا توننگ کن روڈ و بس آتیا آگاہی مہم اس چلیفنگ اُٹ ، کنا و وزیراعظم عمران خان نا وژن ملک ءِ ڈرگ فری اس جوڑ کننگ نا ءِ۔
