اسلام آباد۔ 13جنوری (اے پی پی) وزیراعظم و چیف جسٹس آف پاکستان دیامر بھاشاو مہمند ڈیم فنڈ اٹی داوخت اسکان 9.132 ارب روپئی نا فنڈ جمع مسنے۔ اسٹیٹ بینک آف پاکستان نا کنڈآن جاری حساب وکتاب نارداٹ ڈیم فنڈ اٹی ملک انا تہہ آن 7.912 و پیشن نا ملک آن 1.22 ارب روپئی نا عطیہ جمع مسنے۔ سمندر پار پاکستانی تیان امریکہ ٹی رہینگوک آ پاکستانیک ڈیم فنڈ اٹی عطیہ تننگ اٹ سرفہرست ءُ ہراک داوخت اسکان 443.572 ملین روپئی نا فنڈ جمع کرینو۔ برطانیہ ٹی رہینگوک آ پاکستانیک ڈیم فنڈ اٹی داوخت اسکان 234.642ملین روپئی نا عطیہ تسنو ۔ ہنداوڑ چندی سیلولر کمپنی تا کنڈآن ایس ایم ایس نا کمک اٹ 132.4ملین روپئی نا فنڈ جمع کننگا۔ اسٹیٹ بینک نا حساب وکتاب نارداٹ حکومت پنجاب سرکاری ڈونرز اٹی سرفہرست ءِ ہرا ڈیم فنڈ اٹی 1.09 ارب روپئی نا فنڈ جمع کرفیر۔ پاکستان آرمی 582.071 ملین، ہیڈ کوارٹرز سی ڈبلیو او، ایس پی ڈی 202.093 ملین روپئی تون بالترتیب ارٹ میکو و مسٹ میکو نمبر آٹی ءُ۔ بحریہ ٹاؤن 110.12ملین روپئی و پاکستان ایئر فورس 100.28 ملین روپئی تون چارمیکو و پنچ میکو نمبر آٹی ءُ۔ چیف جسٹس آف پاکستان 10 جولائی 2018 ء آ دیامر بھاشا و مہمند ڈیم فنڈ انا بناءِ کریسس۔ اوکان پد وزیراعظم عمران خان ہم دا قومی کاز اٹی اوار مننگ نا پڑو ءِ کرے اوکان پد ڈیم فنڈ انا پن وزیراعظم و چیف جسٹس آف پاکستان فنڈ تعمیر دیامر بھاشاو مہمند ڈیم تخنگا۔
