اسلام آباد۔ 10 جنوری (اے پی پی) بنجاھی کابینہ ءَ ای سی ایل چار ءُُ تپاسی کمیٹی ءِ نیمگ ءَ 20مردم آنی نام ای سی ایل ءَ چہ در کنگ ءِ سپارش رد کتگ، دروگیں اکاؤنٹس ءِ جیڈھ ءَ 172مردم ءِ نام ایس سی ایل ءَ مان انت، سپریم کورٹ ءِ سرجمیں پیسلہ ءَ پد ای سی ایل ءَ مانیں نام آنی چار ءُُ تپاس یال پیسلہ ءِ سر ءَ چار بچار ءِ اپیل جم کت کن اَنت، بنجاھی کابینہ ءَ ای سی سی ءِ پیسلہ، ائیر مارشل ارشد محمود ءَ را پی آئی اے ءَ سی ای او، شاہ رخ نصرت ءَ را ڈی جی سول ایوی ایشن ءُُ کمشنر اسلام اباد عامر علی احمد ءَ را سی ڈی اے چیئرمین ءِ گیشیں چارج ، ریئر ایڈمرل اطہر ءَ را ایم ڈی کراچی شپ یارڈ انجینئرنگ ،صالح محمد کو سیکرٹری ٹریڈ ڈویلمنٹ ءَ ھوار ڈویلپمنٹ کمپنی کراچی ءِ گیشیں چارج ،عائشہ عزیز ءَ را ایم ڈی انوسمنٹ کمپنی ءِ سیٹ، ٹوبیکو بورڈ ءَ دو ھپتگ آنی گیش شاھیگانی ءَ ابید سولر پاور ٹیرف جنریشن ءِ منظوری داتگ اَنت، مزن وزیر کارگس ءَ 44ہزار توان ءِ یونٹس ءِ کارمردی ءِ پد ءَ مزن وزیر ءَ نوٹس زوران آڈٹ ءِ حکم داتگ، مزن وزیر ءَ پنت ءُُ شون دات کہ اوورسیز پاکستانی آنی واستہ روزگار ءِ موہ پیداک کنگ ءِ واستہ 48کلاک آنی تہءَ نیگیٹوکیٹگری لڑ ءِ پجاری ءُُ وزارت پیٹرولیم گیس ءِ بابت ءَ ٹوھیں پالیشی آرگ بیت، پنچ شمبے ءِ روچ ءَ بنجاھی وزیر اھوالکاری ءُُ شنگ کاری چوہدری فواد حسین ءَ بنجاھی کابینہ ءِ دیوان ءَ پد بنجاھی وزیر ھساب ءُُ کتاب خسرو بختیار ءُُ سیکرٹری ھساب ءُُ کتاب ویژن ءِ ھمبراھی ءَ بریفنگ دیگ ءَ ات۔ بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ دروگیں اکاؤنٹس آنی جیڈھ 2015 ءَ بندات بوت، ایشی ءِ تہ ءَ سندھ حکومت ءِ کلانہ آں ھوار سر وزیر سندھ مراد علی شا ہ، آصف علی زرداری ،فریال تالپور اے سکینڈل ءِ بنجاھی کرد اَنت، سندھ حکومت ءِ اربانی کلدار مراد علی شاہ، اومنی گروپ، دوبئی، لندن، پیرس ءُُ ایندگر ملک آں روان دیگ بوتگ اَنت، دروگیں اکاؤنٹس آنی پٹ ءُُ پولی رپوٹ 2018ءَ پٹ ءُُ پولی رپوٹ پیس کنگ بوتگ ایشی ءِ تہ ءَ جے آئی ٹی ءِ سپارش ءِ سر ءَ 172مردم ءِ نام کابینہ ءَ ای سی ایل ءَ مان کنگ بوتگ انت، وزارت ءِ توکی کار ءَ ای سی ایل ءِ چار ءُُ بچاری کمیٹی ءِ دیوان ءِ ساھت ءَ 20مردم آنی نام در کنگ ءِ سپارش کتگ ایشرا کابینہ ءَ رد کتگ۔
