اسلام آباد۔ 10 جنوری (اے پی پی) صدر مملکت ڈاکٹر عارف علوی پارینے کہ پاکستان نا شونداری نا راز آب اٹنگا تعلیم و جان جوڑی نا آسراتی تا فراوانی ٹی ڈکوک ءِ و خلقت ءِ غریبی آن کشنگ نا جوان انگا وڑوڈول ہم ہندادے۔ اوداہیت ءِ بلتستان یونیورسٹی نا طالب علم آتا ڈل اتون گپ و تران کرسا پارے۔ ہراٹی پنچ شنبے نادے آ ایوان صدر اٹی اوڑتون اوڑدہی کریر۔ صدر طالب علم آتے بخیر کرسا پارے کہ گلگت بلتستان زیب دار و اہم انگا علاقہءِ۔ جامعہ غاک طالب علم آتے پوسکن آ مون آ بروک آ وارخواہی تیان فائدہ ہرفنگ نا قابل جوڑ کیر۔ اوپارے کہ مصنوعی ذہانت وخت انا اہم ءُ گرج اسے۔ طالب علم و جامعہ غاک داڑآ عبور دوئی کننگ آ چکار کیر۔ اوپارے کہ کراچی ٹی صدارتی گام گیج مصنوعی ذہانت اس جاری کننگانے۔ دادے زوت ایلو شار تے ٹی ہم بناکننگک۔ اوپارے کہ بروک آ پنچ سال اٹی دا بشخ انا برآمد آتے کیہی گناودفنگ مریک۔
