پین بھا زشاہدی دو بسنے، کیس ءِ سپریم کورٹ آ دینہ، خرم شیرزمان

پاکستان تحریک انصاف مسکوہی صدر آصف علی زرداری نا برخلاف الیکشن کمیشن اٹی دائر نابودی نا درخواست ءِ پدی ہلک
اسلام آباد۔ 10جنوری (اے پی پی) پاکستان تحریک انصاف مسکوہی صدر پاکستان آصف علی زرداری نا برخلاف الیکشن کمیشن اٹی دائر نابودی نا درخواست ءِ پدی ہلک درخواست گزار خرم شیر زمان موقف اختیار کرے کہ آصف علی زرداری نا برخلاف پین بھاز شاہدی دوبسنے و داسہ او دا کیس ءِ سپریم کورٹ آ دیرہ۔ پنچ شنبے نادے آ الیکشن کمیشن باسک عبدالغفار سومرو ناکماشی ٹی چار باسکی بنچ تحریک انصاف نا راہشون خرم شیر زمان نا مسکوہی صدر پاکستان آصف علی زرداری نا کنڈاگوشوارہ غاتے ٹی میرات آتے ڈکھنگ نا درخواست نا سماعت ءِ کرے داوخت آ درخواست گزار خرم شیرزمان نا کنڈآن بنچ اتون پاننگاکہ او تینا درخواست ءِ پدی ہلنگ خواہک ہراڑا پارت کرے کہ او نوشتہی درخواست اس ایتے ہراڑا او نوشتہی درخواست اس جمع کرفے۔ اوکان پد الیکشن کمیشن نا پیشن میڈیا تون گپ و تران کرسا سندھ اسمبلی نا باسک خرم شیرزمان پارے کہ آصف زرداری بچپک اونا برخلاف پین راست شاہدی ملانے داکیس ءِ داسہ سپریم کورٹ آ دینہ۔ اوپارے کہ تاریخ اٹی پاناما غان پد دا ارٹ میکو بھلا کیس مریک۔ ننے داکیس ءِ ایسر اسکان سرکروئی ءِ۔ آصف علی زرداری جعل سازی اٹ تینا میرات آتے ڈکانے۔ ننے پلوک آ پیسہ غاتے پدی اتوئی ءِ و اودے جیل آ سرکروئی ءِ۔ اونا برخلاف غٹ شاہدی تے سپریم کورٹ اٹی پیش کینہ۔