APP09-10 ISLAMABAD: January 10 - Finance Minister Asad Umar in a group photograph with participants of Pak-China Public Audit seminar at AGP office. APP

اسلام آباد۔ 10 جنوری (اے پی پی) بنجائی وزیر خزانہ اسد عمر پارینے کہ آڈٹ نا ادارہ نا سوگو مننگ معاشی شونداری و سوگوی کن المی ءِ ، خراج نا پیسہ غاتے ایمانداری اٹ خڑچ کننگ حکومت نا زمواری ءِ۔ او پنچ شنبے نادے آ داڑے پاک چین پبلک آڈٹ سیمینار آن تران کریکہ۔ وزیر خزانہ پارے کہ الس نا خراج آتا پیسہ غاتے ایمانداری، شفاف و دانشمندانہ وڑاٹ خڑچ کننگ ننا زمواری ءِ ، دابابت آڈیٹر جنرل نا کڑد اہم ءِ۔ اوپارے کہ بنجائی حکومت ادارہ غاتے سوگو کننگ آ باور کیک۔ سرکاری فنڈ انا گچین کاریم اٹ اتنگ ءِ المی جوڑ کننگ و آڈٹ نظام نا گچینی کن آڈیٹر جنرل آف پاکستان تینا پبی لائخی ءِ کاریم اٹ اتیک۔ اوپارے کہ چین نا آڈٹ نظام وڈی خوری نا چٹفنگ اٹ اہم کڑد ادا کرے۔ نن چین نا آڈٹ نظام آن فائدہ ہرفنگ کینہ۔

متعلقہ مضامینمصنف کی طرف سے مزید