بنجائی دارالحکومت نا ضلعی انتظامیہ نا مون انگا شیشہ انگا گاڈی تا برخلاف مہم برجا، ٹوکن خراج نا مد اٹی تفروک آتیان 3لکھ روپئی وصول

اسلام آباد۔ 10 جنوری (اے پی پی) بنجائی دارالحکومت نا ضلعی انتظامیہ گاڈی تا مون انگا شیشہ غاتا برخلاف جاری مہم نا رداٹ اسہ کارروائی اسے ٹی پین 35گاڈی تا مون انگا شیشہ غاتے کشار۔ ٹوکن خراج نا مد اٹی تفروک آتیان 3لکھ روپئی ہم وصول کرے۔ محکمہ ایکسائز نا ٹیم چیف کمشنر نا پارت آ مون انگا شیشہ غاتے کاریم اٹ اتوک آگاڈی تا برخلاف مہم نا بناءِ کرینے۔ محکمہ ایکسائز نا ٹیم تازہ انگا کارروائی ٹی 150 گاڈی تے تورسا چیکنگ کرے و 35گاڈی تا شیشہ غاتیا خلوک مون انگا اسٹیکر آتے کشار۔ کارروائی ٹی گاڈی تا کاغد آتے ہم چیک کننگا و ٹوکن خراج تفروک آتیان 3لکھ روپئی نا محصولات ہم مچ کننگانے۔