لاہور۔ 10جنوری (اے پی پی) چیئرمین نیب جسٹس (ر) جاوید اقبال پنچ شنبے نادے آ نیب آفس لاہور نا دورہ ءِ کرے۔ ڈی جی نیب لاہور شہزاد سلیم چیئرمین نیب ءِ میگا کرپشن نا مقدمہ غاتیا احوال تس۔ داوخت آ چیئرمین نیب جسٹس (ر) جاوید اقبال پارے کہ میگا کرپشن نا مقدمہ غاتے ایسر اسکان سرکننگ نیب انا اولیت ءِ۔ نیب کاریم، کاریم بیرہ کاریم آ کانود نا رداٹ باور کیک۔ اوپارے کہ نیب لاہور نا کارکڑد گی ادارہ نا جم اٹنگا کارکڑدگی ٹی کلیدی کڑد ادا کرینے۔ چیئرمین نیب جسٹس (ر) جاوید اقبال فیروز پور ہاؤسنگ سوسائٹی نا زہمی تے ٹی 59 کروڑ روپئی بشخ وپانٹ کرے۔ اوپارے کہ ہاؤسنگ سوسائٹی و کوآپریٹو سوسائٹی تا زہمی تے اوفتا پلوک آ پیسہ غاتے پدی تننگ ہم نیب انا اولیت آتے ٹی اوار ءِ ہراڑکن ہروڑاٹ گام گیج چست کننگ انگ ءِ۔ چیئرمین نیب پارے کہ نیب وڈی خور عنصر آتا کانود نا رداٹ دزگیری آن بیدس اوفتیان قوم انا پلوک آ 297 ارب روپئی نا پیسہ غاتے قومی خزانہ ٹی جمع کرفوک آ اسٹ انگا قومی ادارہ ءِ۔ جسٹس (ر) جاوید اقبال ڈی جی نیب لاہور شہزاد سلیم نا چاروکی ٹی نیب لاہور نا کارکڑدگی نا ستاءِ کرے۔
