لورالائی۔ 10 جنوری (اے پی پی) اے ایس پی لورالائی فلائیٹ لیفٹیننٹ (ریٹائرڈ) عطاء الرحمان ترین پارینے کہ لورالائی شار انا امن ءِ ہر حال اٹ برقرار تخنگک، ہچ کس ءِ امن ءِ خراب کننگ نا موکل تفنہ امن و ایمنی ءِ خراب کروک آتون سختی اٹ مون تننگک۔ لورالائی نا الس پولیس تون پورو کمک کیر و علاقہ ٹی غیرسرجز آتے ٹی اوار بندغ آتیا نظر شاغر و پولیس ءِ بروخت احوال ایتر اوفتا پن ءِ صیغہ راز اٹ تخنگک۔ داہیت ءِ او صحافی تتون ہیت وگپ کرسا پارے کہ ڈی آئی جی ژوب رینج نثار احمد خان تنولی ، ایس ایس پی لورالائی برکت حسین کھوسہ نا خصوصی پارت آ لورالائی ٹی ڈوہدار عنصر ، منشیات فروش و نروک آ اشتہار دوبہ دار آتا برخلاف گھیرا ءِ تنک کننگانے و پولیس نا گشت اٹی ہم ودکی کننگانے دا چرجوئی ٹی کیہی منشیات فروش و اشتہار دوبہ دارآتے دزگیر کننگانے و دا کارروائیک ڈوہ انا چٹفنگ اسکان برجاسلرہ دامہم اٹی ایس ایچ او سید ناصر شاہ و ایلو پولیس عملہ ڈوہدار بندغ آتا بیخ کنی کن کوشست آتے برجا تخانو لورالائی پولیس امن کن پورو وڑاٹ چوکس ءِ۔
