کوئٹہ۔ 10 جنوری (اے پی پی) بلوچستان نیشنل پارٹی نا راہشون و ضلعی صدر کوئٹہ صوبائی اسمبلی نا باسک ایم پی اے احمد نواز بلوچ ایس پی ٹریفک تون اوڑدہی کرے۔ سرجم احوال آتا رداٹ بلوچستان نیشنل پارٹی نا راہشون و صوبائی اسمبلی نا باسک احمد نواز بلوچ ایس پی ٹریفک تون اوڑدہی کرے۔ اوڑدہی ٹی گپ و تران کرسا اوپارے کہ ٹریفک جام خلقت نا زند ءِ یند جوڑ کرینے، نئے کسس وخت آ دفتر آسرمننگ کیک و ایمرجنسی نا حالیت اٹ اگہ گڑتی نا حالیت آتون مون تمے تو بروخت ہسپتال آ ہم سرمننگ کپک، ٹریفک نا پدریسہ جام مننگ نا سوب آن گاڈی تا مول خلنگ تون اوار اوار چاگڑدی کچٹی و شور انا آلودگی اٹ ودکی مننگ ءِ انتئے کہ پدریسہ ہارن خلنگ آن خلقت ذہنی کوفت و ایلو وبائی ناجوڑی تے ٹی مبتلا مننگ ءِ ہراکہ راج انا نقطہ نگاہ آن جوان ءُ علامت اس اف۔ گرج دا ہیت انا ءِ کہ ٹریفک کن دمدستی وڑاٹ ایسری اس کشنگے ہراڑا ایس پی ٹریفک مثبت ردعمل نا درشانی ءِ کرے۔
