مزن وزیر عمران خان ءِ سروکی ءَ ملک ءَ کاروبار ءِ آسان جوڑ کنگ ءِ ھوالگ ءَ دیمروئی ءِ چار ءُُ تپاس ءِ واستہ دیوان

اسلام آباد۔ 9 جنوری (اے پی پی) ملک ءَ کاروبار ءَ را آسانی جوڑ کنگ ءِ ھوالگ ءَ بنجاھی ءُ صوبائی تک ءَ ھاسیں کارگس کنگ ءِ پیسلہ کنگ بوتگ تانکہ اے رد ءَ استیں پینگ آناں دور کنگ بہ بیت ءُُ سرمایہ کار آناں کاروبار ءِ واستہ آسراتی پجاری کنگ بہ بیت۔ اے پیسلہ مزن وزیر عمران خان ءِ سروکی ءَ ملک ءَ کاروبار ءَ را آسان جوڑ کنگل ءِ ھوالگ ءَ دیمروئی کار آنی سرءَ چار ءُُ بچاری ءِ واستہ چار شمبے ءَ مزن وزیر کارگس ءَ برجم داشتگیں دیوان ءَ کنگ بوت ایشی ءِ تہءَ وزیر ءِ ھزانگ اسد عمر، مزن وزیر ءِ مشیر برائے تجارت عبدالرزاق داؤد، مزن وزیر ءِ مشیر عشرت حسین، سرمایہ کاری بورڈ ءِ چیئرمین ہارون شریف، مزن وزیر ءِ ھاسیں کمکار افتخار درانی ءُُ کلانہ ایں کارندہ شریک اتنت۔ سرمایہ کاری بورڈ ءِ چیئرمین ءَ مزن وزیر ءَ را کاروبار ءَ را گیش آسان جوڑ کنگل ءِ ھوالگ ءَ جتا جتائیں ٹک آنی دیمروئی ءِ بابت ءَ ھم سرپد کت۔ ٹیکس ءِ دیگ ءِ کساس ءِ جیڈھ ءِ سر ءَ مزن وزیر ءَ را گوشگ بوت کہ ایشی ءِ کساس 47 ءَ چہ کم کنان ءَ 21 ءَ سر ءَ آرگ بوھگ ءَ انت، سندھ ءُُ پنجاب ءَ سوشل سکیورٹی کنٹری بیوشن ءِ ای۔پیمنٹس سہرا کنگ ءِ واستہ کوشست جاڑی اَنت۔ چیئرمین سرمایہ کاری بورڈ ءَ را گوشت کہ وی اے ٹی ریفنڈز ءِ نوکیں نظام 31 مارچ ءَ تاں سہرا کنگ بیت ایشی ءَ چہ ریفنڈ ءِ دزگیری ءِ وھد ءُُ پاس ءَ سک باز کمی بیت اِنت۔ سرمایہ کاری بورڈ ءِ چیئرمین ءَ گوشت کہ فزیکل آڈٹس ءِ کساس ءِ تہءَ کم کنگ ءِ واستہ رسک مینجمنٹ سسٹم ءَ را گہتر جوڑ کنگ ءِ کوشست جاڑی انت۔ کاروبار بندات کنگ ءَ را آسان جوڑ کنگ ءِ ھوالگ ءَ مزن وزیر ءَ را گوشگ بوت کہ پنجاپ ءَ ایس ایس سی پی ءَ را صوبائی پورٹلز ءُُ ای او بی آئی ءِ گوما ھور جوڑ کنگ ءِ سرءَ کار سرجم کنگ بوتگ پدا ھم سندھ ءَ پورٹل ءِ بنگیجی ءِ سر ءَ کار ءَ را ترند کنگ ءِ واستہ کوشست کنگ بوھگ ءَ انت۔ توان ءِ پجاری ءَ را آسان جوڑ کنگ ءِ ھوالگ ءَ مزن وزیر ءَ را گوشگ بوت کہ توان ءِ پجاری ءِ رد ءَ آسراتی پیداک کنگ ءُُ اے بابت ءَ مزن وزیر ءَ را گوشگ بوتگ کہ توان ءِ پجاری ءِ رد ءَ آسراتی پیداک کنگ ءُُ اے بابت ءَ مالوم داری وھد ءِ سر ءَ پجارینگ ءَ باز دیمروئی کنگ بوتگ۔