اسلام آباد۔ 09جنوری (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری نیشنل پریس کلب اسلام آباد نا پوسکن گچین مروک آ عہدیدار آتے مبارکبادی تسنو۔ اسپیکر و ڈپٹی اسپیکر تینا جتا جتا تہنیتی کلہو آتے ٹی نیشنل پریس کلب نا پوسکن گچین مروک آ صدر شکیل قرار، جنرل سیکرٹری انور رضا، نائب صدر آک راجہ خلیل احمد ، احمد نواز، شاہ محمود ، سعدیہ کمال ، سیکرٹری فنانس صغیر احمد چوہدری ، جوائنٹ سیکرٹریز سید شیراز گردیزی، احتشام الحق، ندیم چوہدری، شکیلہ جلیل و ایلو عہدیدار آتے مبارکبادی ترسا پاریر کہ اوفتا گچین کاری صحافتی برادری نا اوفتیا پت انا درشانی ءِ کیک۔ اسپیکر و ڈپٹی اسپیکر قومی اسمبلی اظہار رائے آزادی کن صحافی برادری نا کڑد انا ستاءِ کرسا پاریر کہ اظہار رائے آزادی ہر شاری نا بنداوی حق ءِ و صحافی برادری دارداٹ بے شمار قربانی تسنو۔ اودااومیت نا درشانی ءِ کریر کہ پریس کلب نا پوسکن گچین مروک آ عہدیدار آک تینا غٹ تر لائخی تے صحافی برادری ءِ مون تروک ویل آتے ایسر کننگ اٹ و ملک اٹی اظہار رائے نا آزادی کن صرف کیرہ و صحافی برادری نا اومیت آتیا پورو سلرہ۔ اواللہ تعالیٰ آن نیشنل پریس کلب نا پوسکن گچین مروک آ کابینہ نا سرسہبی کن دعا کریر۔
