کوئٹہ۔ 09جنوری (اے پی پی) وزیراعلیٰ بلوچستان جام کمال خان نیشنل سیکورٹی ورکشاپ نا ساڑی مروک آتون چارشنبے نا دے آ داڑے تران کرے ۔ ہرانا سرحال ’’گورننس‘‘ چیلنجز و سی پیک پروجیکٹس‘‘ ئس، وزیراعلیٰ تینا جامع و مفصل تران اٹی بلوچستان نا ویل ، وسیلہ، گورننس، شونداری عمل تون اوار اہم صوبائی معاملہ غاتا احاطہ ءِ کرے۔ وزیراعلیٰ گورننس نا گچینی، وسیلہ غاتا شونداری، صوبہ ءِ مون تروک حقی ویل آتا ایسری کن تینا حکومت نا اولیت و تعلیم، جان جوڑی ، چاگڑد، کشت وکشار، دیر، زرکاری ، صنعت کاری و توانائی تون اوار ایلو بشخ آتا شونداری و اختیار آتا ضلع نا کہول اسکان گدریفنگ کن گدرینگوک آ چار تُو اٹی کروک آ گام گیج و حکومتی کارکڑ دءِ سرجمی اٹ مون آ تخا وخت اس کہ او سی پیک نا بابت بلوچستان نا موقف ءِ ہم تالان کرے۔ وزیراعلیٰ داوخت آ ساڑی مروک آتا کنڈآن چست کروک آ سوج آتا سرجمی اٹ ورندی ءِ ہم تس۔
