بنجاھی وزیر ڈاکٹر خالد مقبول صدیقی ءِ ’’الیکٹروکیورمیٹر لس سمارٹ میٹرنگ‘‘ مشین ءِ توسیپی مراگش ءَ گوں گشتانک

اسلام آباد۔ 9 جنوری (اے پی پی) بنجاھی وزیر انفارمیشن ٹیکنالوجی اینڈ ٹیلی کمیونیکیشن ڈاکٹر خالد مقبول صدیقی ءَ گوشت کہ ملک ءَ را ڈیجیٹلائزیشن ءِ نیمگ ءَ برگ ءِ گامگیج ءَ کنگ ءَ آں، سائبر سیکورٹی ءَ ملک ءِ دیمپانی ءِ وڑ ءَ را بے مٹ جوڑ کناں۔ اے ھیالانی درشانی آئی ءَ چار شمبے ءِ روچ ءَ ایگنائٹ ءُُ کمپنی آف انٹیلیجنٹ سسٹمز نیٹ ورک ریسرچ (سی آئی ایس این آر)ءِ چیر دستی ءَ ’’الیکٹرو کیور میٹر لس سمارٹ میٹرنگ‘‘ مشین ءِ توسیپی مراگش ءَ گشتانک دیگ ءَ ات۔ آئی ءَ گوشت کہ اے مشین توان ءِ لائن لاسز ءُُ دُزئی ءِ گر ءُُ دار ءِ واستہ کمکار سہرا بنت۔ آئی ءَ گوشت کہ مئے کوشست اِنت کہ وزارت ءِ پاور ڈویژن ءِ گوما یکجائی ءَ اے مشین ءَ را سرجمیں ملک ءَ سہرا کن آں تانکہ دُزئی ءُُ ایندگر تاوان آنی گر ءُُ دار کنگ بہ بیت، اے بابت ءَ بنجاھی وزیر پاور عمر ایوب خان ءَ میٹینگ کنگ بوتگ۔ آئی ءَ گوشت کہ وزارت ءِ انفارمیشن ٹیکنالوجی ایگنائٹ ءِ گوما یکجائی واھگ پیلو کنگ بوھگ ءَ انت، مئے منصوبگ آنی گوما اے منصوبگ ھم بوتگ اَنت کہ اے رنگیں مشین مارکیٹ ءَ سہرا کنگ بیت ، ھمائی ءَ چہ توان ءِ دُز ءُپ ایندگر توان آنی سر ءَ گر ءُُ دار کنگ بہ بیت چیا کہ اے وھد ءَ ملک ءَ ایندگر جیڈھ آنی تہءَ یک المی جیڈھ ھاٹیگ ءِ کمیگ ایگ اِنت ۔ آئی ءَ گوشت کہ الیکٹوکیورمیٹر لس سمارٹ میٹرنگ مشین ءَ را تیار کنگ ءَ ایگنائٹ، یو ای ٹی پشاور ءُُ سی آئی ایس این آر ءَ یکجائی ءَ کار کتگ ایش لائک ءِ توسیپی اِنت۔