سپیکر راجی اسمبلی اسد قیصر ءِ سروکی ءَ پاکستان انسٹیٹیوٹ آف پارلیمنٹری سروسز ءِ کرد ءِ چار ءُُ تپاسی ءِ واستہ دیوان

اسلام آباد۔ 9 جنوری (اے پی پی) سپیکر راجی اسمبلی اسد قیصر ءَ پاکستان انسٹیٹیوٹ آف پارلیمنٹری سروسز (پپس) ءَ را پنت ءُُ شون کت کہ آ پارلیمنٹ ءِ باسک آنی کانود ءِ جوڑ کنگ ءِ سر ءَ گہتریں رنگ ءَ کمک پجارین ایت۔ چار شمبے ءَ سپیکر ءِ سروکی ءَ پاکستان انسٹیٹیوٹ آف پارلیمنٹری سروسز (پپس) ءِ کرد ءِ چار ءُُ تپاس ءِ زورگ ءُُ ایشی ءِ کرد ءَ را گیش جوان تر کنگ ءِ واستہ چار شمبے ءَ اسلام آباد ءَ یک دیوان ءِ برجم دارگ بوت ایشی ءِ تہءَ سپیکر ءِ نیمگ گءَ پپس ءَ را پنت ءُُ شون کنگ بوت کہ آ گہتریں رنگ ءَ پارلیمنٹ ءِ باسک آناں کانود ءِ جوڑیشت ءِ باروا کمک بہ پجارین آں۔ دیوان ءَ ایگزیکٹو ڈائریکٹر (پپس) ظفراللہ خان ءَ ھوار راجی اسمبلی ءِ سیکرٹریٹ ءِ ٹوھیں اپسرگ آں بھر زوری کت۔ دیوان ءَ گشتانک دیان ءَ سپیکر ءَ قومی اسمبلی، سینیٹ آف پاکستان، چاریں صوبائی اسمبلی ءِ باسک ءُُ کارندہ آنی کار رپک ءِ تہ ءَ گیشی ءِ واستہ ھیل کاری کورس جوڑ کنگ ءِ واستہ پنت ءُُ شون بدیت۔ آئی ءَ گوشت کہ قومی سمبلی ءِ رھبند ءُُ پاکستان ءِ کانود ءُُ پارلیمانی کد ءُُ بالاد ءِ ھوالگ ءَ پپس ءِ اپسرگ آناں وتی تجروبت ءِ رد ءَ ایشی ءِ سیت آں گوں نزیکی ءِ واستہ حکم جاڑی کتگ۔ سپیکر قومی اسمبلی ءَ بنی آدمی ھک، درئی پالیشی، سول ملٹری یکوئی، حکومتی ءُُ انتظامی کار ءِ وڑیں ارزشتی ایں بن گپ آنی سرءَ باست ءُُ واست کنائینگ ءُُ اے بن گپ آنی ھوالگ ءَ کورسز آنی بنگیج ءِ ضلورت ءِ سرءَ زور دات۔