اسلام آباد۔ 9 جنوری (اے پی پی) پاک بحریہ ءِ سروک ایڈمرل ظفر محمود عباسی ءَ گوشت کہ پاک بحریہ ءِ کوسٹل کمانڈ سر کریک ءَ گوں جیونی ءَ تاں پراھ ءُُ شاھیگانیں تیاب دپ، سی پیک ءُُ گوادر دکہ ءِ تیابی سیکیورٹی ءِ واستہ ھمک کترہ ءُُ ساھت ءَ تیار آں، کوسٹل کمانڈ سک باز ارزشتی ایں آپرییشن کمانڈ ات ایشی ءَ کسانوکیں ساھت ءَ وتی کرد ءُُ محنت ءَ چہ بُرز ءُُ بالائیں جاھ ءَ وتارا سر کتگ۔ آ چار شمبے ءِ روچ ءَ پاکستان نیوی کوسٹل کمانڈ ءِ ھمک سالی ایفیشنسی کمپیٹیشن پریڈ 2018 ءَ گوں گشتانک دیان ءَ کت۔ چیف آف دی نیول سٹاف ایڈمرل ظفر محمود عباسی مراگش ءِ ھاسیں مہمان اَت۔ نیول چیف ءَ کوسٹل کمانڈ ءِ 2018 ءِ ساھت ءَ آپریشنل چست ءُُ ایر آپریشنل ءِ سر ءَ دل یکیمی ءِ درشان کت۔ پاک بحریہ ءِ سروک ایڈمرل ظفر محمود عباسی ءَ گوشت کہ پاکستان نیوی وتی جوانیں کزبی ھیل کاری آناں کارمرد کنان ءَ دژمن آنی ھمک رنگ ءِ پندل آناں ڈگار ءَ جنگ ءِ ازم ءَ دار ایت، آیوکیں روچاں زرّ ءَ پٹ کتگیں چیز آنی رکھینگ ءُُ سی پیک ءِ رد ءَ کوسٹل کمانڈ ءِ زمہ واری آنی تہ ءَ گیشی بیت۔
