اسلام آباد۔ 9 جنوری (اے پی پی) بنجاھی وزیر برائے وانگ ءُُ زانگ ءُُ کزبی ھیل کاری شفقت محمود ءَ گوشت کہ ھمکچیں زانشتی ءِ وسیلگ ءَ یک راج ءِ جوڑ کناں ءُُ ناانصافی آناں ھلاس کناں، ھمکچیں وانگ ءُُ زانگ ءِ واستہ توامیں سساساچ آناں گوں وت ھمگام کنگ بیت ءُُ آوانی دل آناں ساپ کنگ بیت۔ آ چارشمبے ءِ روچ ءَ راجی زانشتی کتاب کونسل ءِ اولی دیوان ءَ گوں گشتانک ءَ پد اھوالکاراں گپ ءُُ تران کنان ءَ کت۔ آئی ءَ گوشت کہ ھمکچیں زانشتی کتاب آنی واستہ جوڑ کتگیں راجی زانشتی کونسل ءِ اولی دیوان سک باز ارزشتی انت، ھواریں رنگ ءَ توامیں سٹیک ہولڈرز آں ھمکچیں زانشت ءِ سر ءَ تپاک کتگ۔ آئی ءَ گوشت کہ ھر کس ءَ کہ نہ وشی بیت آ وانی نہ وشی ءُُ دلرنجی آناں گپ ءُُ تران ءِ سرءَ دور کناں۔ آئی ءَ گوشت کہ راجی زانشتی کونسل ءِ برجائی ءِ موہ ءُُ مراد ھمکچیں زانشتی وانگی آنی دیم ءَ جنزگ اِنت۔
