محمد رئیس الدین پراچہ صدر مملکت ءِ تینا ادارہ نا بابت سرجم احوال تس
اسلام آباد۔ 09 جنوری (اے پی پی) صدر مملکت ڈاکٹر عارف علوی تون بنجائی انشورنس محتسب محمد رئیس الدین پراچہ چارشنبے نادے آ اوڑہی کرے۔ بنجائی انشورنس محتسب ادارہ نا بابت صدر مملکت ءِ سرجمی اٹ احوال تس۔ داوخت آ صدر مملکت پارے کہ بنجائی انشورنس محتسب نا انشورنس انڈسٹری نا صارف آتا رکھ اٹی بے کچ اہم ءُ کڑد اسے۔ اوپارے کہ صارف آتا غاو تا اندراج و ایسری کن پوسکن آ انفارمیشن ٹیکنالوجی ءِ کاریم اٹ اتنگے۔ صدر مملکت داہیت آ زور شاغاکہ الس نا آگاہی کن میڈیا غا مہم اس چلیفنگے۔
