اسلام آباد۔ 09 جنوری (اے پی پی) بنجائی وزیر تعلیم و کسبی تربیت شفقت محمود پارینے کہ اسہ وڑنا نصاب آن اسہ قوم اس جوڑ کینہ و نا انصافی ءِ چٹفنہ، اسہ وڑنا نصاب کن غٹ مکاتب فکر ءِ پت اٹی ہلنگک و اوفتا گڑتی تے مر کینہ۔ او چارشنبے نادے آ قومی نصاب کونسل نا اولیکو دیوان آن تران آن پد صحافی تتون گپ و تران کریکہ۔ اوپارے کہ اسہ وڑنا نصاب کن جوڑ کروک آ قومی نصاب کونسل نا اولیکو دیوان بے کچ مثبت ئس ، جم وڑاٹ غٹ اسٹیک ہولڈر آک اسہ وڑنا نصاب آ امنا کریر۔ اوپارے کہ ہراکڑدہ غاتے گڑتی ارے اوفتے سلابت تون گڑتی تے مر کینہ۔ اوپارے کہ قومی نصاب کونسل نا جوڑ کننگ نا مسخت اسہ وڑ تعلیمی نصاب نا کنڈاہنوئی ءِ۔
