دا ٹیکنالوجی نا کمک اٹ بٹکوئن و کرپٹوکرنسی ٹی ٹرانزیکشن نا موکل تننگپک، دا ٹیکنالوجی نا مسخت دہشت گردی کن مالی امداد، منی لانڈرنگ ، ہنڈی و حوالہ نا چٹفنگ نا ءِ

پاکستان ایف اے ٹی ایف نا پارت آ اولیکو وار ترسیلات زر اکن بلاک چین ٹیکنالوجی ءِ درستی راستی کرفے
لاہور۔ 09 جنوری (اے پی پی) پاکستان فنانشل ایکشن ٹاسک فورس (ایف اے ٹی ایف) نا پارت آ پاکستان اٹی اولیکو وار بینکنگ سیکٹر اٹی ملائیشیا ء ٹی کاریم کروک آتا ترسیلات زر اکن بلاک چین ٹیکنالوجی اس درستی راستی کرفینے ہرانا مسخت ملک اٹی دہشت گردی نا مسخت آتے کن مالی امداد و منی لانڈرنگ ءِ چٹفنگ نا ءِ، دا ٹیکنالوجی آن نئے بیرہ مالی ٹرانزیکشن تا دمدمستی بلکن رکھوک رسینگ ممکن مریک حتیٰ کہ دا ٹیکنالوجی نا کمک اٹ ترسیلات زر ہلوک و گدریفوک آتا غٹ دستاویزی گام گیج آتا ڈس و نشان ءِ خلنگ مریک نیز دا ٹیکنالوجی نا کمک اٹ جہانی کہول آ غیر کانودی حوالہ وہنڈی نا غیر کانودی گام گیج آتا برخلاف سخت کارروائی کننگک۔ سٹیٹ بینک آف پاکستان نا ترجمان عابد قمر نا رداٹ بلاک چین ٹیکنالوجی نا کمک اٹ جہانی مالی ٹرانزیکشن تا بٹکوئن و کرپٹو کرنسی نا کمک اٹ ہرگز مالی ٹرانزیکشن کننگپک انتئے کہ دافتیا پاکستان اٹی پورو پابندی ءِ ۔ اوپارے کہ مرکزی بینک دا ٹیکنالوجی نا کاریم اٹ اتنگ نا موکل تسنے ہرادے کیہی وڑاٹ کاریم اٹ اتنگ مریک۔ ٹیلی نار مائیکرو فنانس بینک تینا جاری اسہ بیان اسے ٹی پارینے کہ بینک ملائیشیا نا کمکاری نا اواری اٹ پاکستان اٹی اولیکو کراس بارڈر ترسیلات زر سروس نا بنداو آ بلاک چین ءِ درستی راستی کرفینے و دا ٹیکنالوجی آن لائن پیمنٹ پلیٹ فارم چلیفوک آ اینٹ فنانشل سروسز گروپ ’’الیپے‘‘ اس تیار کرینے ۔ داکان مست چینی الیپے مائیکرو فنانس بینک انا 45درس اسٹیک ایکوائر کرینے ہرانا مالیت 148.5ملین روپئی جوڑ مریک، مائیکرو فنانس بینک اِرا تُو مست دا ٹیکنالوجی کن مرکزی بینک آن منظوری ہلکوسس۔