اسلام آباد ۔ 08 جنوری (اے پی پی) وزیراعظم عمران خان پارینے کہ حکومت اسہ ’’پوسکن ءُ پاکستان‘‘ اسے کن اصلاحاتی راجی و اقتصادی ایجنڈا غا عملدرآمد کن پرعزم ءِ ، انسداد پولیو ءِ قومی پبلک ہیلتھ ایمر جنسی نا وڑاٹ برجاتخنہ و ملک آن پولیو ءِ پورو چٹفنگک۔ اوداہیت ءِ ڈائریکٹر جنرل جہانی ادارہ جان جوڑی (ڈبلیو ایچ او) ٹیڈروس ایڈہینم گیبری اوسس تون گپ و تران کرسا پارے ہرا بل اینڈ ملینڈا گیٹس فاؤنڈیشن نا گلوبل ڈویلپمنٹ ڈویژن نا ڈاکٹر کرسٹو فرایلس تون اوار سے شنبے نا دے آ وزیراعظم آفس اٹی اوڑدہی کرے۔ ڈاکٹر ٹیڈروس وزیراعظم ءِ ساڑی آ گچین کاری تے ٹی اونا سرسہبی آ مبارکبادی ترسا پارے کہ ڈبلیو ایچ او جان جوڑی ملکی کہول آ اثرات و جان جوڑی نا بابت علم و معلومداری اسکان الس نا رسینگ ءِ ودفنگ نا بابت تینا چکار اٹی ودکی کرینے۔
