اسلام آباد۔ 08 جنوری (اے پی پی) بنجائی وزیر تعلیم و کسبی تربیت شفقت محمود پارینے کہ ہر سال 25لکھ ورناہندی جاب مارکیٹ اٹی بریرہ ، اوفتا گیشتری ہندی صنعت آتا بنداوی گرج آتے پورو کپک ، جاب مارکیٹ اٹی بروک آ ہر بندغ ءِ پوسکن آ چا ہنداری آن لیس کننگ اسہ بھاز بھلو چیلنج اسے، ننے تینا تعلیمی نظام ءِ جاب مارکیٹ نا گرج آتون گنڈوئی مریک۔ سے شنبے نادے آ اوداہیت ءِ نیو ٹیک نا کنڈآن ’’پاکستان اٹی جدید اپرنٹس شپ ماڈل‘‘ نا دود آن تران کرسا پارے ۔ بنجائی وزیر پارے کہ کیہی دہائی آن غیر رسمی اپرنٹس شپ پاکستان اٹی مہارت دوئی کننگ کن غٹ آن متکن و گچین وڑوڈول نا وڑاٹ ساڑی ءِ ولے بدقسمتی اٹ پاکستان اٹی مہارت نا شونداری کن انڈسٹری، کاروباری برادری، تربیتی ادارہ غاتون اوار ایلو شریدار آتا اوار مننگ نا کمتی ءِ۔ اوپوسکن آ آپرنٹس شپ ماڈل ءِ بنا کننگ کن نیو ٹیک نا کوشست آتا ستاءِ کرے و مارکیٹ نا ترندی اٹ بدلینگوک آ گرج آتا بروخت ادراک ءِ کرسا پبلک پرائیویٹ پارٹنر شپ ءِ مون آ دننگ نا کوشست آتا ستاءِ کرے۔
