اسلام آباد۔ 08 جنوری (اے پی پی) وزیراعظم نا سلاہکار موسمیاتی بدلی ملک امین اسلم پارینے کہ آخبت شجرکاری مہم اٹی 14کروڑ 26لکھ نیال خلنگک۔ داخیال آتا درشانی ءِ او سے شنبے نا دے آ موسم بہار2019 ء نا شجر کاری نا بابت بین الصوبائی دیوان نا کماشی ءِ کرسا کرے۔ میٹنگ اٹی ایڈیشنل سیکرٹری موسمیاتی بدلی بابر حیات تارڑ ، آئی یو سی این نا کنٹری ڈائریکٹر محمد اکبر، بلوچستان نا سیکرٹری فارسٹ محمد سعید، سی سی ایف بلوچستان نا عبدالجبار، پی اے سی کامرہ نا ڈائریکٹر ایڈمن ملک ممتاز، سی ڈی اے نا ڈائریکٹر انوائرنمنٹ ارفان نیازی، سندھ انا سیکرٹری جنگلات عبدالرحیم، گلگت بلتستان نا چیئرمین جنگلات خادم عباس، وزارت دفاع نا جوائنٹ سیکرٹری نورین بشیر اس بشخ ہلکر۔ غٹ محکمہ جنگلات نا سیکرٹریز و بشخ ہلوک آک تینا صوبہ نا مسکوہی سال نا دوئی کروک ہدف و ساڑی آ سال انا تخوک آ ہدف آتا سرجم آتے پاریر۔
