اسلام آباد۔ 08 جنوری (اے پی پی) وزارت اوورسیز پاکستانیز روزگار نا چرجوئی ٹی غیر کانودی وڑاٹ یورپ آ ہنوک آ پاکستانی تا ترکی نا جیل آتیان یلہ کننگ کن ترکی نا بڑزکو کمامدارآتون رابطہ کرینے۔ وزیراعظم نا خصوصی کمکار اوورسیز پاکستانیز ذوالفقار عباس بخاری اے پی پی تون گپ و تران کرسا پارے کہ وزیراعظم نا ساڑی آ ترکی نا دورہ ٹی اونا ترکی نا بڑزکو کمامدارآتون ترکی نا چندی جیل تیان پاکستانی بندی تا یلہ کننگ کن ہیت وگپ کرینے ، خصوصی کمکار پارے کہ ہرا بندغ آک غیر کانودی وڑاٹ ایران نا کسر، ترکی و ولدا یورپ آ ہِننگ کن کوشست کیرہ اوفتے ترکی ٹی دزگیر کننگک۔
