اسلام آباد۔ 08 جنوری (اے پی پی) صدر مملکت ڈاکٹر عارف علوی پارینے کہ جان جوڑی نا بشخ حکومتی اولیت آتے ٹی سرفہرست ءِ، جان جوڑو خوانندہ راج اسے آن گچین پاکستان نا تعمیر مننگ کیک۔ اوداہیت ءِ سے شنبے نادے آ داڑے پاکستان نرسنگ اینڈ مڈ وائفری کانفرنس آن تران کرسا پارے۔ صدر مملکت ڈاکٹر عارف علوی پارے کہ جان جوڑی نا بشخ حکومتی اولیت آتے ٹی اوار ءِ دارداٹ مڈوائفری نا بشخ بھاز اہمیت تخک، ننے دا بشخ انا کاریم نا کچ اٹی ودکی و ناجوڑی تیان بچنگ کن آگاہی ودی کروئی ءِ۔ صدر مملکت 2019ء آ نرسنگ نا سال گوندسا پارے کہ آگاہی تالان کرسا جان جوڑی نا آسراتی تسکان رسینگ اٹی گچینی اتنگ مریک۔ اوپارے کہ جان جوڑی ءِ مون آ دننگ کن غذائیت نا دوئی کننگ آ چکار کروئیءِ۔ صدر مملکت پاکستان چیپٹر آف نرسنگ نا پڑو ءِ کرسا پارے کہ 2سال اٹی نرسنگ نا بشخ اٹی کاریم کروک آ بندغ آتا کچ اِراہنداخہ کینہ۔ صدر پارے کہ نرسنگ یونیورسٹی نا جوڑ کننگ آن ہرسال 25ہزار بندغ ءِ تربیت ملک۔ اوپارے کہ نرسنگ ڈپلومہ نا جاگہ غا نرسنگ ڈگری جاری کننگک، نرس آک خذمت و ہمدردی نا جوزہ ءِ زندہ تخر۔ اوپارے کہ جان جوڑ و خوانندہ راج اسے آن گچین پاکستان نا تعمیر مننگ کیک۔
