اسلام آباد۔ 08 جنوری (اے پی پی) وزیراعظم عمران خان بھارتی کرکٹ ٹیم و اونا کیپٹن ویرات کوہلی ءِ آسٹریلیا ٹی ٹیسٹ سیریز ءِ کٹنگ آ مبارکبادی تسنے۔ وزیراعظم سے شنبے نادے آ تینا ٹویٹ اٹی ویرات کوہلی و بھارتی کرکٹ ءِ آسٹریلیا ٹی برصغیر نا ٹیم انا ٹیسٹ سیریز اٹی اولیکو سرسہبی آ مبارکبادی تس۔ یات سلے کہ بھارت میزبان آسٹریلیا ءِ اونا گل زمین آ چار ٹیسٹ میچ آتا سیریز اٹی 1-2اٹ شکست تس، آسٹریلیا و بھارت نا نیام اٹ چارمیکو و آخیریکو کرکٹ ٹیسٹ میچ تدوک آدے کٹنگ و باتننگ نا فیصلہ غان بیدس چٹاسس۔ کیپٹن ویرات کوہلی نا سرکڑدہ ہی ٹی نئے بیرہ بھارت آسٹریلوی گل زمین آ اولیکو سیریز ءِ کٹا بلکن او آسٹریلیا نا گل زمین آ ٹیسٹ سیریز ءِ کٹوک آ اولیکو ایشیائی ملک ہم جوڑ مس۔
