اسلام آباد۔ 08 جنوری (اے پی پی) ڈی جی جہانی ادارہ جان جوڑی (ڈبلیو ایچ او) ڈاکٹر ٹیڈ روس گیری اوسس سے شنبے نادے آ وزیر خارجہ مخدوم شاہ محمود قریشی تون وزارت خارجہ ٹی اوڑدہی کرے۔ جہانی ادارہ جان جوڑی نا ایشیا نا ریجنل ڈائریکٹر ڈاکٹر احمدالمدھاری و ملینڈا گیٹس فاؤنڈیشن نا صدر ڈاکٹر کرسٹو فرایلس ہم اوڑتون اوار ئسر۔ اوڑدہی ٹی پاکستان اٹی پولیو نا چٹفنگ، و داوخت اسکان دوئی کروک آ ہدف آتون اوار ایلو تین پہ تینی است خواہی نا معاملہ غاتیا گپ و تران کننگا۔ داوخت آ وزیر خارجہ مخدوم شاہ محمود قریشی پاکستان اٹی پولیو نا وائرس تون مون تننگ کن ڈبلیو ایچ او نا خذمت آتا ستاءِ کرے۔ ڈاکٹر ٹیڈروس جان جوڑی نا بشخ اٹی پاکستان تون پبی کمکاری ءِ برجاتخنگ نا یخین دہانی کرفے۔
