اسلام آباد۔ 08 جنوری (اے پی پی) وزارت مذہبی امور پوسکن آ حج پالیسی نا مسودہ ءِ پورو دروشم تسنے ہرانا باقاعدہ پڑو ءِ بنجائی کابینہ نا منظوری آن پد کننگک۔ ڈالر نا مقابلہ ٹی روپئی نا قدر اٹی کمتی نا سوب آن آخبت حج پیکج اسہ لکھ روپئی اسکان کبین مننگ نا گمان ءِ۔ ذرائع نا رداٹ وزارت مذہبی امور پوسکن آ حج پالیسی ءِ پورو دروشم تسنے ہرادے بروک آ ہفتہ ٹی بنجائی کابینہ ءِ منظوری کن گدریفنگ نا گمان ءِ۔ اینخو سال ڈالر نا مقابلہ ٹی روپئی نا قدر اٹی کمتی نا زہم آک زند انا ایلو بشخ آتیا تمانوہنداوڑ حج پیکج ہم زہمی مریک و گمان کننگ انگ ءِ کہ آخبتی حج پیکج گدرینگوک آ سال انا مقابلہ ٹی اسہ لکھ روپئی آن زیات کبین مریک ولے وزارت مذہبی امور دا چرجوئی ٹی سعودی کمامدارآتون رابطہ ٹی ءِ و پاکستانی حاجی تے کن زیات آن زیات ریلیف دوئی کننگ نا کوشست کننگک۔

متعلقہ مضامینمصنف کی طرف سے مزید