اسلام آباد۔ 08 جنوری (اے پی پی) محکمہ موسمیات بروک آ 24گھنٹہ ٹی اسلام آباد راولپنڈی تون اوار بڑزکو پنجاب اٹی موسم جمبری مریک وخت اس کہ ملک انا ایلو علاقہ غاتے ٹی موسم بھاز یخ و پِرکپک و گلگت بلتستان ، کشمیر و اوڑتون ایب وکیبی مشی آ علاقہ غاتے ٹی گڑاس جاگہ غاتیا پِر و مش تیا پین برف انا گمان ءِ۔ سویلی پنجاب و بڑزکو سندھ اٹی سہب انا وخت اٹی گوتلو کننگ نا ہم گمان ءِ۔ رپورٹ نا رداٹ گدرینگوک آ 24گھنٹہ ٹی ملک انا گیشتر علاقہ غاتے ٹی موسم یخ و پِرکتنے۔ غٹ آن کم درجہ حرارت سکردو ٹی منفی 15، کالام، استور اٹی منفی 12، گوپس اٹی منفی 8، بگروٹ، ہنزہ ٹی منفی 7، دیر، مالام جبہ، پارہ چنار ، کوئٹہ ، قلات اٹی منفی 5، مری، راولاکوٹ اٹی منفی 4، چترال ، دروش، کاکول، گلگت اٹی منفی 3، لوئر دیر اٹی منفی 2، میر کھانی ، دالبندین ، گڑھی دوپٹہ ، بالاکوٹ و رسالپور اٹی منفی 1 ڈگری سینٹی گریڈ ریکارڈ کننگا۔
