اسلام آباد۔ 8 جنوری (اے پی پی) صدر مملکت ڈاکٹر عارف علوی ءَ گوشت کہ جان سلامتی ءِ شوبگ حکومتی ترجی آنی تہ ءَ درستاں چہ بُرز تر اِنت، جان سلامتیں ءُُ زانشتی چاگرد ءَ چہ گہتریں پاکستان ءِ جوڑیشت بوت کنت۔ آئی ءَ اے گپ سئے شمبے ءِ روچ ءَ ادا پاکستان نرسنگ اینڈ مڈوائفری کانفرنس ءَ گوں گشتانک ءِ ساھت ءَ کت۔ صدر ءِ مملکت ءَ ڈکٹر عارف علوی ءَ گوشت کہ جانس سلامتی ءِ شوبگ ءَ حکومتی ترجی آنی تہ ءَ اِنت اے رد ءَ مڈوائفری ءِ شوبگ سک باز ارزشتی اِنت، مارا اے شوبگ ءِ کار رپک ءِ تہ ءَ گیشی ءُُ نادُراھی ءَ چہ گر ءُُ دار ءِ واستہ سرپدی پیداک کنگی اِنت۔ صدر ءِ مملگک ءَ 2019ءَ نرسنگ ءِ سال نامینت ءُُ گوشت کہ جان سلامتی ءِ باروا سرپدی شنگ ءُُ تالان کنگ ءَ چہ جان سلامتی ءَ تاں سر بوھگ ءَ گہتری آرگ بوت کنت۔ آئی ءَ گوشت کہ جان سلامتی ءِ شوبگ ءِ دیمروئی ءِ واستہ وردن ءُُ وراک ءِ پجاری ءِ سر ءَ دلگوشی کنگی اِنت۔ صدر ءِ مملکت ءَ پاکستان چیپٹر آف نرسنگ ءِ جار جنان ءَ گوشت کہ 2سال ءَ نرسنگ ءِ شوبگ ءَ کار کنوکیں مردم آنی کساس ءَ دو سرئی کن آں۔ صدر ءَ گوشت کہ نرسنگ یونیورسٹی ءِ برجائی ءَ چہ ھمک سال 25 ہزار مردم آناں ھیل کاری پجاری کنگ بیت۔ آئی ءَ گوشت کہ نرسنگ ڈپلومہ ءِ مٹ ءَ نرسنگ ڈگری ءِ بنگیج کنگ بیت، نرس وتی توک ءَ ازمت ءُُ دلپدردی ءِ جوزگ ءَ جاڑی بدار اَنت۔ آئی ءَ گوشت کہ جان سلامتیں ءُُ زانشتی چاگرد ءَ چہ گہتریں پاکستان ءِ جوڑیشت بوت کنت۔
