لاہور۔7 جنوری(اے پی پی ) ڈپٹی سپیکر قومی اسمبلی قاسم خان سوری ءَ گوشت کہ حکومت میراس ءَ رستیں معاشی تاوان ءِ گر ءُُ دار ءِ واستہ ھمک رنگ ءِ گامگیج چست کنگ ءَ انت۔ معیشت ءَ تہ ءَ کاروباری برات ءِ کرد سک باز ارزشتی انت ، معاشی جیڈھ آنی گر ءُُ دار ءِ واستہ یکجائی ءَ کار کنگ لوٹاں۔ آئی ءَ اے ھیالانی درشانی لاہور چیمبر ءِ صدر الماس حیدر، سینئر نائب صدر خواجہ شہزاد ناصر، نائب صدر فہیم الرحمن سہگل ءُُ ایگزیکٹو کمیٹی ءَ گوں گند ءُُ نند کت۔ پیسریگیں صدر میاں انجم نثار ھم اے موہ ءِ سر ءَ ساڑی اَت۔ ڈپٹی سپیکر ءَ گوشت کہ پاکستان ءِ سر ءَ وام آنی بار 30ہزار ارب ءَ تاں سر بوتگ اَنت۔ 2008 ءَ بگر تاں 2018 ءِ وھد ءَ 24ہزار ارب کلدار ءِ وام زورگ بوتگ انت بلے ایشی ءِ جوانیں برورد اِچ شوبگ ءَ گندگ نہ بوتگ انت۔ آئی ءَ گوشت کہ جاور آنی شر سر پد بوھگ ءَ پد مزن وزیر عمران خان ءَ زوت آئی ایم ایف ءَ گوں دلگوش کنگ ءِ مٹ ءَ سعودی عرب، چین، ترکی ءُُ ابوظہبی ءِ وڑیں دوستیں ملک آں گوں کمک ءِ لوٹ کتگ۔ اگاں آئی ایم ایف ءَ گوں نزیکی جوان مہ بیت گڈا آئی ءِ اچ شرط قبول کنگ نہ بیت۔ آئی ءَ گوشت کہ مزن وزیر عمران خان ساپ دل ءُُ ملک ءَ را وشھال گندگ لوٹ ایت۔
