مزن وزیر ءِ ھاسیں کمکار سید ذوالفقار عباس بخاری ءَ گوں ڈن ملک ءِ جیل آنی تہ ءَ بندیگ یں پاکستانی آنی سیاد ءُُ وارسانی گند ءُُ نند

اسلام آباد۔ 7 جنوری (اے پی پی)مزن وزیر ءِ ھاسیں کمکار برائے اوورسیز پاکستانیز سید ذولفقار عباس بخاری ءَ ڈن ءِ ملک آنی تہ ءَ بندیگ پاکستانی آںی سیاد ءُُ وارسانی گوما گند ءُُ نند کت۔ ھاسیں کمکار ءَ ڈن ءِ ملک ءَ کیزیں پاکستانی آنی آزات کنگ ءِ ھوالگ ءَ کرد ءِ دل یکیمی دات۔ ڈن ءِ ملک ءَ کیز بوتگیں پاکستانی آنی سیاد ءُُ وارسانی گوما تران کنان ءَ سید ذولفقار عباس بخاری ءَ گوشت کہ آئی ءِ وزارت درئی کارانی کارگس ءَ گوں ھوار کپان ءَ ڈن ملک ءَ کیزیں پاکستانی آنی یلو بوھگ ءِ واستہ سک باز کوشست کنگ ءَ اِنت، مزن وزیر ءِ ھاسیں کمکار ءَ گوشت کہ ڈن ءِ ملک ءَ پاکستانی کیزی ءِ یلوئی آئی اولی ترجی ءِ تہ ءَ ھوار اِنت، کسانیں جرم آنی تہ ءَ دست مانجنیں پاکستانی آنی یلوئی ءِ واستہ جتا جتائیں ملک آنی تہ استیں پاکستانی سفارت خانہ وتی کرد ءَ پیلو کنگ ءَ اَنت۔