اسلام آباد۔ 7 جنوری (اے پی پی) مزن وزیرعمران خان ءَ پاکستان تحریک انصاف ءِ باسک قومی اسمبلی ءَ را پنت ءُُ شون کت کہ آ الس ءِ جیڈھ آناں زوتاں زوت گیوار ی ءَ دل یکیمی کنگ ءِ ھاترا وتی دمگ ءِ مردم آں گوں نزیکی بکن اَنت۔ آئی ءَ اے گپ دو شمبے ءَ لاہور ءُُ ساہیوال ڈویژن ءَ گوں سیادی داروکیں پاکستان تحریک ءِ انصاف ءِ قومی اسمبلی ءِ باسک آں گوں مزن وزیر کارگس ءَ گند ءُُ نند ءِ ساھت ءَ کت اَنت۔ گند ءُُ نند ءِ تہ ءَ بنجاھی وزیر برائے وانگ ءُُ زانگ ءُُ کزبی ھیل کاری محمود ، مزن وزیر ءِ ھاسیں کمکار برائے سیاسی کار نعیم الحق ءُُ پاکستان تحریک ءِ انصاف ءِ سیکرٹری جنرل ارشد داد ھم اے موہ ءِ سر ءَ ساڑی اَت۔ قومی اسمبلی ءِ باسک ءَ مزن وزیر ءَ را درئی پالیشی ءِ لیکہ آنی لُکوکیں وھد ءُُ پاس ءِ تہ ءَ آسر آنی ءُُ کامیاتی ءُُ ملک ءِ معاشی برجائی ءُُ اقتصادی دیمروئی ءِ واستہ ساپ دلیں کوشست آناں توسیپ ءُُ ستا پیش کت۔
