کوئٹہ۔ 07 جنوری (اے پی پی) بے نظیر انکم سپورٹ پروگرام نا کنڈآن تدوک آدے مسہ دے ئی ٹریننگ ورکشاپ اس اڈتننگا ورکشاپ نا ایسری دود انا مہمان خاص ڈائریکٹر جنرل بی آئی ایس پی یوسف علی رودینی ئس۔ ایسری دود آن تران کرسا اوپارے کہ بی آئی ایس پی نا کنڈآن ہراڑے حقدار بندغ آتے ٹی ماہانہ بنداو تیا مالی کمک فراوان کننگ آن بیدس تعلیم نا پڑاٹی ہم تینا اہم کڑد ءِ ادا کننگ ءِ و داٹی ہچ ءُ شک اس اف کہ BISP معاشی وڑاٹ اختہ مروک آ تپہ نا جوان وڑاٹ مالی و تعلیمی کمکاری کن سرگرم ءِ اوپارے کہ BISP نا فیلڈ اسٹاف کن بڑزکو ہند انا تربیت و کسبی مہارت ءِ تالان کننگ کن اسہ اہم ءُ گام اسے۔ اودااومیت نا ہم درشانی ءِ کرے کہ BISP نا کارندہ غاک داٹریننگ آن پبی فائدہ ہرفسا تینا فرض ءِ جوان وڑاٹ ادا کننگ کیرہ۔ داوخت آ ترانکارآک BISP نا کنڈآن بعنوان (RECOSTRUCTED OPERATIONAL GUIDLINES & REVISED JOB DESCRIPTION)نا تربیتی پروگرام نا افادیت و اہمیت ءِ مون آتخسا اودے اسہ اہم ءُ گام اس گوندار ۔ یات سلے کہ ہندا ٹریننگ ورکشاپ صوبہ بلوچستان نا مسہ ضلع قلات ڈویژن، ژوب ڈویژن و درخشاں ڈویژن اٹی تعینات BISP نا کارندہ غاتے کن اڈتننگاسس۔ ٹریننگ ورکشاپ اٹی ڈویژنل ڈائریکٹرز، اسسٹنٹ ڈائریکٹرز، اسسٹنٹ کمپلینٹ ، فیلڈ سپر وائزر و ایلوفک ہم ساڑی ئسر۔ مسہ دے ئی ٹریننگ ورکشاپ اٹی ڈاکٹر تنویر کیانی، ڈائریکٹر ٹریننگ اسلام آباد حبیب کیانی، ڈائریکٹر انعام ٹریننگ کنسلٹنٹ اسلام آبادBISP نا کارندہ غاتے تربیت فراوان کرے۔ داوخت آ ڈائریکٹر ہیڈ کوارٹر منظور احمد ، ڈویژنل ڈائریکٹر BISP عوض بلوچ، ڈویژنل ڈائریکٹر سیدو حیداللہ، اسسٹنٹ ڈائریکٹرز رک خان و ایلوفک ہم ساڑی ئسر۔ تربیتی ورکشاپ نا ایسری آ مہمان خاص تربیتی ورکشاپ نا بشخ ہلوک آتے ٹی سند بشخ وپانٹ کرے۔
