اسلام آباد ۔ 7 جنوری(اے پی پی) راجی کیساسگری بیورو ءِ چیئرمین جسٹس جاوید اقبال ءَ بیب ءِ توامیں ڈائریکٹر جنرلز آناں ترندی ءَ پنت ءُُ شون کتگ کہ آ نیب ءَ جاڑی بوتگیں پٹ ءُُ پول ءِ ھاترا گوانک جتگیں مردم آناں گیشینتگیں وھد ءُُ پاس ءَ توار بجن انت ءُُ سرجمیں تیاری، شاھدی ءُُ پچیں پیشانی ءَ گپ ءُُ تران ءُُ جیڈھ ءِ کشاں چیل ءَ بکن اَنت، یات دارگ بہ بیت کہ اے رد ءَ کوتاھی کنوک ءُُ گیر ضلوری باست ءُُ واست برداشت کنگ نہ بیت ، اگاں اے وڑ کنگ مہ بیت گڈا سرجمیں آڈینگا کنگ ءِ زمہ وار ڈی جی نیب کنگ بیت۔ نیب ءَ میڈیا ءَ را گوشت کہ آ نیب ءَ جاڑی بوتگیں شکاست آنی پٹ ءُُ پول، انکوائری ءُُ انوسٹی گیشنز آنی بابت ءَ سُک سُک آں چہ وتارا بہ پھریز اَنت۔ نیب ءِ ھوالگ ءَ ھمک ھال ءَ را ترجمان نیب ءَ چہ پکو کنگ بہ بیت۔ نیب بے سر ءُُ پادیں ءُُ راستی آں چہ گستائیں ھال ءُُ سُک سُک آنی ھلاپ ءَ کانودی دست پنجگ کنگ ءِ ھک ءَ دار ایت۔
