خاران۔ 17جنوری ( اے پی پی) پاکستان مسلم لیگ (ق) ئِ صوبائی جنرل سیکرٹری ئُُ باسک بلوچستان اسمبلی میر عبدالکریم نو شیروانی ئَ خاران ئَ ساڑی ھور ئَ آماچ مہلوک ئَ زوتیں ریلیف دئیگ ئِ ھاترئَ ضلعی انتظامیہ ئَ پنت ئُُ شون برجاہ کرتگ انت کہ آ آماچ دمگ آں سر بوھگئَ راشن، کمبل ئُُ تمبو سر بہ کنت، ساڑی ھور ئَ آماچ گِس آں وتی فنڈ ئَ جوڑ بہ کنت۔ اے ھیال آنی درشانی آئی ئَ لہتیں ٹولہ آں گوں گپئُُ تران کنگ ئَ کرتگ۔ میر عبدالکریم نو شیروانی ئَ گشتگ کہ ضلعی انتظامیہ چنکس زوت بہ یت آماچ دمگ آنی مہلوک ئَ ریلیف سر بہ کنت، باسک صوبائی اسمبلی ئَ دِگہ گشتگ کہ زمیندار آں ٹیوب ویل صفہ ہستی ئَ نشان ھلاس کرتگ انتئُُ مالدار آں باز تاوان داتگ انت، آئی ئَ سر وزیر بلوچستان نواب ثناءاللہ خان زہری ئُُ چیف سیکرٹری بلوچستان سیف اللہ چٹھہ ئَ لوٹ کنگ ئَ گشتگ کہ آ زوت ئَ چہ زوت خاران ئَ ساڑی ھور آں سک آماچ بوﺅکیں فصل، مالدار ئُُ گِس آنی ھاترئَ ھاسیں ریلیف ئِ جار بہ جنت۔
