نائب مزن وزیر اسحاق ڈار آر فور ءِ دری کارانی وزیرانی دیوان ءَ بہر زورگ ءِ واستہ قاہرہ ءِ تر ءُ تاب

قاہرہ۔21جون  (اے پی پی): مصر ءِ درئی کارانی وزیر بدر عبدالعتی ءِ دعوت ءِ رد ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ 20جون ءَ چہ 21جون 2026 ءَ قاہرہ ءِ تر ءُ تاب کتگ ءُ آر فور ءِ دری کارانی وزیر آنی دیوان ءَ بھر زوری کتگ۔ نائب مزن وزیر ءُ وزیر ءِ درئی کار ءَ مصر، سعودی عرب ءُ ترکی ءِ دری کارانی وزیر آنی گوما ھاسیں دمگی ءُ میاں اوستمانی جیڈھ آنی سر ءَ تران کت ءُ یکجائی چیلنج آناں گیواری ءِ واستہ پاکستان ءِ گپ ءُ تران، کمک ءُ یکجائی کوشست آنی سر ءَ زور پر دات۔ کارگس ءِ درئی کار ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءَ مصر ، سعودی عرب ءُ ترکی ءِ درئی کارانی وزیر آنی ھواری ءَ مصر ءِ صدر عبدالفتاح السیسی ءَ گوں یکجائی گند ءُ نند ھم کتگ ۔ گند ءُ نند ءِ ساھت ءَ نائب مزن وزیر ءُ دری کارانی وزیر ءَ صدر آصف علی زرداری، مزن وزیر محمد شہباز شریف ءُ دفاعی سروکی ءِ گوما صدر السیسی ءَ را مبارکی ءُ نیکیں واھگ آناں سر کت ءُ پاکستان ءُ مصر ءِ نیام ءَ گیش مھکم کنگ ءِ واستہ پاکستان ءِ جزم  ءِ سر ءَ پدا زور دات۔ آئی ءَ مزن وزیر شہباز شریف ءِ پاکستان ءِ تر ءُ تاب ءِ دعوت ءِ منگ ءِ سر ءَ مصر ءِ صدر السیسی ءَ را وش اتک کت ءُ امیت سہرا کت کہ اے تر ءُ تاب وت مہ وتی آسراتی ءِ رد ءَ زوتاں چہ زوت بیت۔ اے موہ ءِ سر ءَ نائب مزن وزیر ءُ وزیر ءِ درئی کار ءَ مصر ءِ درئی کارانی وزیر بدرعبدالعتی ءَ گوں ھم گند ءُ نند کتگ ۔ دوئیں راہشون آں پاکستان ءُ مصر ءِ وت مہ وتی سیادی ءِ توامیں تک ءُ پھنات آنی سر ءَ چار ءُ تپاسی کت ءُ دوئیں براتیں ملک آنی نیام ءَ کمک ءِ تہ ءَ جوانیں پیشرفت ءِ سر ءَ دل یکیمی ءِ درشان کت۔ ایشاں بیپار، سرمایہ کاری، وانگ ءُ زانگ، دود ءُ ربیدگ ءُ مردم ءِ نیام ءَ رابطہ ءِ شوبگ آنی تہ ءَ کمک ءَ را گیش گیش کنگ ءِ راہ آنی سر ءَ ھیال ریچی کت۔ دوئیں رہشون آں جتا جتائیں پڑ آنی تہ ءَ کمک ءَ را گیش دیمروئی دیگ ءِ واستہ استیں دو نیمگی میکانزم آناں پدا چالو کنگ ءِ سر ءَ ھم تپاک کتگ۔ وزیرانی درئی کار آں وت مہ وتی دلچسپی ءِ دمگی ءُ جھان ءِ جیڈھ آنی سر ءَ ھم گپ ءُ تران کت۔ آئی ءَ دو نیمگی ءُ کثیر نیمگی تک ءَ نزیکیں رابطہ ءُ شور ءُ سلاھ ءَ را برجاہ دارگ ءِ وتی جزم  ءِ پدا زور پر دات ءُ امن، استحکام ءُ برجمیں دیمروئی ءِ دیمروئی ءِ ھاترا زور پر دات۔ نائب مزن وزیر ءُ وزیر ءِ درئی کار ءَ آر فور ءِ وزارتی دیوان ءِ جوانیں بندوبست ءُ گرمیں مہمانداری ءِ سر ءَ مصر ءِ حکومت ءِ منت گپت۔