نائب مزن وزیر ءُ دری کارانی وزیر اسحاق ڈار ءَ مصر ءِ دری کارانی وزیر ءَ گوں گند ءُ نند کت، سیاسی، اقتصادی ءُ کثیر نیمگی شوبگ آنی تہ ءَ کمک ءَ را گیش مھکم کنگ ءِ جزم  ءِ  درشان

قاہرہ۔21جون  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ آر 4 ءِ درئی کارانی وزیر آنی مشاورتی دیوان ءِ ساھت ءَ مصر ءِ دری کارانی وزیر ڈاکٹر بدر عبدالعتی ءَ گوں گند ءُ نند کتگ ءُ وت مہ وتی دلچسپی ءِ جیڈھ آنی سر ءَ گپ ءُ تران کتگ۔ دری کارانی وزیر آں پاکستان ءُ مصر ءِ نیام ءَ دو نیمگی سیادی ءِ توامیں تک ءُ پھنات آنی سر ءَ چار ءُ تپاسی کت ءُ پاکستان ءُ مصر ءِ سیادی آنی تہ ءَ جوانیں پیشرفت ءِ سر ءَ دل یکیمی ءِ درشان کت۔ دری کارانی کارگس ءِ نیمگ ءَ چہ جاڑی بوتگیں بیان ءِ رد ءَ دوئیں رہشون آنی نیمگ ءَ سیاسی، اقتصادی، دفاعی، جان سلامتی ءُ دواسازی (دوا سازی) ءُ کثیر جہتی شوبگ آنی تہ ءَ کمک ءَ را گیش مھکم کنگ ءِ وتی جزم  ءِ پدر کنگ ءُ دو نیمگی کمک ءَ را گیش دیمروئی دیگ ءِ واستہ استیں وت مہ وتی ھمگرنچی ءِ میکانزم ءَ را فعال کنگ ءِ سر ءَ تپاک کنگ بوتگ۔ فریقین آں دمگی ءُ میاں اوستمانی جاور ھال ءُ ھاسیں رنگ ءَ میاں اوستمانی جاور ھال آنی سر ءَ ھم گپ ءُ تران کنگ بوت۔ آہاں انوگیں امن معاہدے ءَ را وش اتک کت ءُ اے امیت ءِ درشان کت کہ ایشی ءِ جوانیں رنگ ءَ عمل درآمد ءَ چہ خطہ ءَ برجمیں امن، برجائی ءُ وشحالی ءِ تہا کمک رسیت۔ اے موہ ءِ سر ءَ پاکستان ءُ مصر ءِ نزیکیں ءُ براتی سیادی آناں گیش گہتر کنگ ءِ یکجائی جزم ءِ پدا زور دیگ بوت۔