چیئرمین سینیٹ سید یوسف رضا گیلانی ءَ مری ایکسپریس وئیل ءَ بیران بوتگیں مردمانی کھول ءِ گوما دلپدردی ءِ درشانی کتگ، ھمک رنگ ءِ کمک ءِ دل یکیمی داتگ

اسلام آباد/ملتان۔21جون  (اے پی پی): سینیٹ ءِ چیئرمین سید یوسف رضا گیلانی ءَ مری ایکسپریس ءِ غمناکیں وئیل ءَ بیران بوتگیں مردمانی کھول ءِ گوما دلپدردی ءِ درشانی کتگ ءُ دلپدردی ءِ درشانی کتگ ءُ گوشت کہ اے سکیں غمناکیں ءُ دل کشیں وئیل اِنت کہ ایشی ءَ سرجمیں ملتان ءَ غم ءُ اندوہ ءِ آماچ کتگ۔ یک شمبے ءِ روچ ءَ ادا شنگ بوتگیں پریس ریلیز ءِ رد ءَ چیئرمین سینیٹ ءَ گوشت کہ یکیں ھاندان ءِ پنچ مردم آنی بیرانی سک باز غمناکیں گپے ءُ کم چہ کم ما اے غم ءِ سر ءَ پشومان کنگ ءِ ھاترا کت کنیں۔ چیئرمین سینیٹ ءَ گشتگ کہ آئی ءَ وتی زھگ سیاد ءُ وارسانی گور ءَ دیم داتگ تانکہ ھاندان ءَ گوں یکوئی ءِ درشان کنگ بہ بیت۔ سید یوسف رضا گیلانی ءَ گوشت کہ راولپنڈی انتظامیہ ءَ بیران بوتگیں مردمانی واستہ بندوبست کتگ ات نوں المی انت کہ آماچیں کھول آنی واستہ ہر وڑیں کمک کنگ بہ بیت۔ آئی ءَ پنجاب ءِ سرکار ءَ گوں دزبندی کتگ کہ غم ءِ آماچیں کھول ءِ مالی ءُ انتظامی کمک ءَ را دل یکیمی بہ کنت ءُ آھانی ارزشتی ایں ساماناں زوتاں چہ زوت واتر بہ کنت۔ آئی ءَ گیش گوشت کہ من ملتان انتظامیہ ءَ را ھم گوش آں کہ آ آماچیں ھاندان آنی واستہ ھرچ وڑیں گامگیج بہ زور اَنت تانکہ آھاں وھد ءِ سر ءَ کمک ءُ آسراتی پجارینگ بہ بیت۔ چیئرمین سینیٹ ءَ دعا کت کہ مرگ ءَ پد اللہ تعالیٰ بیران بوتگیں مردم ءَ را جنت ءَ بُرزیں جاگہے بہ دنت ءُ پُشکیں ھاندان ءَ را صبر ءُ اوپار بہ دنت۔ آئی ءَ دل یکیمی دات کہ آماچیں ھاندان آناں زوتاں چہ زوت کمک پجاری ءِ واستہ ھمک رنگ ءِ کوشست کنگ بیت۔