آر فور ءِ درئی کارانی وزیر قاہرہ ءَ گند ءُ نند کن اَنت، اسلام آباد ءِ تپاک نامہ ءِ سر ءَ دستخط کنگ ءَ را وش آتک کن اَنت، دمگ ءِ امن ءُ ایمنی ءِ واستہ یکجائی کوشست برجاہ بنت، بیان

قاہرہ۔21جون  (اے پی پی): مصر، پاکستان، سعودی عرب ءُ ترکی ءِ دری کارانی وزیراں وتی چارمی مشاورتی دیوان ءَ امریکہ ءُ ایران ءِ نیام ءَ اسلام آباد ءِ تپاک نامہ ءِ سر ءَ دستخط کنگ ءِ وش آتک کتگ ءُ اے ھاسیں دیمروئی ءَ را یک جوانیں ءُ  جوڑیشتی  گامگیج ءِ لیک اتگ کہ ایشی ءِ تہ ءَ دیمروئی ءِ تہ ءَ کمی آرگ بوتگ۔ دمگی امن ءُ ایمنی ءِ ھاترا ھترہ ءِ دیم ءَ آرگ بوتگ۔ اے تنازعہ ءِ توانائی ءِ مارکیٹ، میاں اوستمانی سمندری تجارتی راہ، عالمی سپلائی چین ءُ میاں اوستمانی تجارت ءِ سرا ہم اثرات بوت کنت۔ یک شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ دری کارانی وزیر آناں چارمی مشاورتی دیوان ءَ چہ پد وتی یکجائی بیان ءِ تہ ءَ گوشت کہ دیوان دمگی ءُ میاں اوستمانی جاور ھال آنی سر ءَ سرجمیں رنگ ءَ گپ ءُ تران کنگ ءِ واستہ یک جوانیں موہ ءِ بوتگ۔ اے گند ءُ نند مصر ءِ دعوت ءِ سر ءَ 21جون ءَ قاہرہ ءَ برجم دارگ بوتگ ات ایشی ءِ تہ ءَ میاں اوستمانی ءُ گیشیں دمگ ءَ امن، ایمنی، استحکام ءُ وشھالی ءِ دیمروئی ءِ واستہ چاریں ملک آنی نیام ءَ مدام شور ءُ سلاھ ءُ ھمگرنچی ءِ ارزشت ءِ سر ءَ پدا زور دیگ بوتگ ات۔ جون 2026 ءَ امریکہ ءُ ایران ءِ نیام ءَ ”اسلام آباد تپاک نامہ“ ءِ دستخط کنگ ءَ چہ دری کارانی وزیراں ھاسیں رنگ ءَ وش آتک کتگ ءُ اے ھاسیں دیمروئی ءَ را تناؤ ءِ کم کنگ ءُ دمگی تنازعہ ءِ ھلاسی ءِ ھاتر ءَ یک جوانیں گامگیج ءِ رنگ ءَ پیش داشتگ۔ توانائی ءِ بازار، میاں اوستمانی شپنگ لین، عالمی سپلائی چین ءُ میان استمانی تجارت ءِ سرا کار کنگ ءَ انت۔ اے درگت ءَ دری کارانی وزیر آناں دمگی ءُ میاں اوستمانی کارکن آنی کوشست آناں ساڑات کت کہ آھاں اے سرپدی ءِ ممکن جوڑ کنگ ءَ کمک کتگ ءُ سیادی داروکیں گل آنی نیمگ ءَ چہ کتگیں وعدہ آنی سر ءَ وفاداری ءِ گوما عمل کنگ ءِ ارزشت ءِ سر ءَ زور پر دات۔ دری کارانی وزیر آناں اے راجدپتری آسر ءَ سر بوھگ ءِ واستہ پاکستان ءِ جوڑیشت ءِ کوشست آناں توسیپ کت ءُ تپاک نامہ ءِ سر ءَ گپ ءُ تران ءَ را سوبمندیں آسر ءَ سر کنگ ءِ واستہ قطر ءِ نیمگ ءَ داتگیں کمک ءِ ھم توسیپ کت۔ دری کارانی وزیر آناں اے ھاسیں جیڈھ ءِ سر ءَ پاکستان ءِ گوں آھاں برجاھیں ءُ نزیکیں ھمگرنچی ءِ ھم توسیپ کت۔ اے جوانیں دیمروئی ءِ سر ءَ کار کنگ ءَ ھاسیں زور دیگ بوت کہ گپ ءُ تران ءِ آیوکیں پڑ ءَ را ترند ءُ سوبمندیں رنگ ءَ آسر کنگ بہ بیت، ایشی ءِ مول ءُ مراد ایش اِنت کہ دیم ءَ اتکگیں جیڈھ آنی پائیدار، تصدیق ءُ یکے دومی ءَ را منگ بوتگیں گیشواری ءِ شوھازگ بہ بیت۔ وزیر خارجہ آں اے گپ ءِ سر ءَ زور پر دات کہ اے وڑیں کوشست آنی تہ ءَ دمگ ءِ ملک آنی ھاسیں رنگ ءَ خلیج ءِ عرب ملک آنی جیڈھ آناں ھوار لیونٹ ءِ دمگ ءِ ایمنی ءُ برجائی ءِ سر ءَ دلگوش دیگ بہ بیت تانکہ اجتماعی ایمنی ءَ را مھکم کنگ ءُ دمگی برجائی ءِ دراجیں مدت ءَ را گیش کنگ بہ بیت۔ دری کارانی وزیر آناں مصر ءِ صدر عبدالفتاح السیسی ءِ منت گپت کہ آئی ءَ میاں اوستمانی تک ءَ استحکام آرگ ءِ واستہ گروپ ءِ کوشست آنی رہشونی ءِ رنگ ءَ دمگ ءِ آیوکیں وھد ءِ واستہ وتی وژن ءِ شیئر کتگ۔ میاں اوستمانی تک ءَ امن، ایمنی ءُ مھکم ءِ ھاترا فلسطین ءِ جیڈھ ءِ مرکزیت ءِ پدا پدر کنان ءَ دری کارانی وزیر آں اے گپ ءِ سر ءَ زور پر دات کہ فلسطین ءِ جیڈھ دمگ ءَ عادلانہ، جامع ءُ دائمی امن ءِ ھاترا کوشست آنی تہ ءَ ھوار اِنت ءُ اے دمگی امن ءُ ایمنی ءِ ھاترا بنیاتی ستون اِنت۔ اے درگت ءَ مقبوضہ غزہ ءِ پٹی، مغربی کنارہ ءُ مشرقی بیت المقدس (القدس) ءِ انسانی ءُ سیاسی جاورانی سرا حاصیں دلگوشی دیگ بوت۔ درئی کارانی وزیراں فلسطینی راج ءِ جائزیں ھک آنی واستہ وتی برجاھیں حمایت ءِ پدرائی کت، ایشی ءِ تہ ءَ وتی وت واجہی ءِ ھک ءُ 4 جون 1967 ءِ سیمسر آنی بنیاد ءَ یک آجوئیں فلسطینی ریاست ءِ جوڑ کنگ ھوار اِنت کہ ایشی ءِ تہ ءَ مشرقی بیت المقدس ءِ دارالحکومت ءِ رد ءَ ناگزیریں بنیاد اِنت۔ اقوام متحدہ ءِ سلامتی کونسل ءِ تعلقداریں قراردادانی رد ءَ کنگ بوتگ۔