سی پیک ئِ کل آں چہ زیات پائدگ صوبہ بلوچستان ئَ بیت، سی پیک ئُُ گوادر ڈیپ سی پورٹ بلوچستانئُُ درستیں ملک ئِ دیمرویئَ شریں کرد پیش داریت
کوئٹہ۔ 17جنوری( اے پی پی) صدر آزاد جموں و کشمیر سردار محمد مسعود خان سے روچی تر ئُُ تاب ئِ سرا صوبہ بلوچستانئِ دارالحکومت کوئٹہ ئَ سر بوتگ ۔ اے موہ ئَ بلوچستانئَ ھستیں کشمیری آنی نمائندگ ہم ھوار ات انت۔ صدر آزاد کشمیر ئَ ایئر پورٹ ئَ گورنر ہاﺅس سر بوھگ ئَ گورنر بلوچستان محمد خان اچکزئی ئَ صدر آزاد جموں کشمیر ئِ خیر مقدم کرتگ۔ پدا صدر آزاد کشمیر سردار محمد مسعود خان ئِ گورنر بلوچستان محمد خان اچکزئی ئِ گوں سرجمیئَ گند ئُُ نند بوتگ، گند ئُُ نندئِ وھد ئَ مسئلہ کشمیر، مقبوضہ کشمیر ئَ تازگیں جاورال، قابض بھارتی فوج ئِ نیمگئَ کشمیری آنی ھلاپ جرم، پاکستانئِ سرجمی سیاسی جاورال بلوچستان ئِ جوڑ ئُُ جاڑی ئُُ دیمروی، چائنا پاکستان اقتصادی راہداری ئِ بلوچستانئِ وشحالی ئِ ممکنہ اثر آنی ھواری ئَ یکجا دلچسپی ئِ سرا سرجمی ئَ ھیال ئُُ لیکھہ کرتگ۔ گورنر بلوچستان محمد خان اچکزئی ئَ گشتگ کہ ملکی ئُُ میاں استمانی پڑ ئَ کہ آ سیاسی، اقتصادی بدلی بوھگ ئَ انت ایشیئَ سرجمی ئَ پائدگ زورگ ئِ ھاتر ئَ بازیں محنت ئُُ کار کنگ بیت۔ آئیئَ گشتگ کہ سی پیک ئِ کل آں چہ زیات پائدگ صوبہ بلوچستانئَ بیت۔ سی پیک ئُُ گوادر ڈیپ سی پورٹ بلوچستانئُُ درستیں ملک ئِ دیمروی ئَ شریں کرد پیش داریت ئُُ واپاری ئُُ اقتصادی ترندی ئِ جاہ بلوچستان بیت۔ سی پیک ون بیلٹ ون روڈ ئِ سرجمی ئَ میاں استمانی اقتصادی جمود ئِ ہم ھلاسی بیت۔ برآمدات ئِ ھاتر ئَ نوکیں منڈی پیداک بیت ئُُ لکھ آنی مہلوک ئَ روزگار بہ رسیت۔ اے شریں منصوبہ ئِ درستیں خطہ ئَ سلامتی، امنئُُ محکمی ئِ باہوٹ ثابت بیت۔ گورنر بلوچستان ئَ گشتگ کہ خطہ ئَ پائیدار امن ئِ ھاتر ئَ کشمیر جیڑھ ئِ ھواری ئَ دومی مسئلہ آنی ھل سک المی انت۔ آئی ئَ گشتگ کہ پاکستان ئَ وتی کشمیری برات آنی اخلاقی ئُُ سفارتی حمایت برجاہ دارگ بیت ئُُ کشمیر ئِ مسئلہ ئِ ھل ئِ ھاتر ئَ دگنیا ئِ ہر فورم ئِ سرا سرجمی ئَ توار چست کرتگ انت۔ پدا صدر آزاد جموں ئُُ کشمیر ئِ جوڑئُُ جاڑیئُُ دیمروی ئُُ مقبوضہ کشمیر ئِ جاورال ئِ ھوالہ ئَ سرجمی ئَ آگاہ کرتگ۔
