اسلام آباد۔ 17 جنوری (اے پی پی) وزیر ئِ دیمپانی خواجہ محمد آصف ئَ گوشتگ کہ پانامہ کیس ئِ بابت ئَ عمران خان ئِ بُن گپ ئُُ لیکہ مزن وزیر ئِ پارلیمان ئَ کتگیں گشتانک ئِ ھوالگ ئَ اَنت۔ پانامہ کیس ئَ پد عمران خان ئِ کرا اِچ سیاسی بُن گپ پشت نہ کپ ایت۔ اے سیٹ روگ ئُُ آیگی چیز اِت آئی ئَ گوشت۔ سئے شمبے ئِ روچ ئَ ھال رسانکی در آں گوں تران کنان ئَ آئی ئَ گوشت کہ ٹھریک ئِ انصاف ئِ نیمگ ئَ انٹرنیٹ ئُُ ھالتاکی دانک آنی رد ئَ کیس ڈگار ئَ کپگ ئَ گندگ بوھگ ئَ اِنت۔ گوستگیں سئے سال آنی تہ ئَ عمران خان ئِ سیاست یک ئِ ئَ چہ دومی وئیل ئِ کسہو جوڑ بوتگ، اولی گچین کاری ئَ دو ئَ کپ ئِ کم سیٹ گرگ ئَ بوتگ اَنت، ایشی ئَ پد جاک کنگ بوت ئُُ لُچ ئُُ ٹگی ئِ بُھتام جنگ بوت ئُُ چار سیٹ ئِ پچ گرگ ئِ تران کنگ بوت ، ایشانی تہ ئَ دو انوگ ئَ تاں شمے دیم ئَ اوشتاتگ اَنت۔
