اسلام آباد۔ 16جنوری ( اے پی پی) مزن وزیر محمد نواز شریف میاں استمانی اقتصادی فورم ئِ سالانہ مراگش ئَ بہر زورگ ئِ ھاتر ئَ دو شمبے ئَ سویٹزر لینڈ روان بوتگ۔ مراگش 17ئَ تاں 20جنوری ڈیووس ئَ بیت۔ مزن وزیر میاں استمانی اقتصادی فورم ئِ ایگزیکٹو چیئر مین پروفیسر کلاز شواب ئِ دعوت ئِ سرا اے تر ئُُ تاب کنگ ئَ انت، مزنو زیر ئِ معاون ھاس برائے خارجہ امور طارق فاطمی ئُُ دومی سینئر حکام مزن وزیر ئِ ہمراہ انت۔ میاں استمانی اقتصادی فورم ئِ موہ ئَ مزن وزیر لہتیں سروک مملکت ئُُ حکومتئُُ واپار راھشون آں گوں گند ئُُ نند ہم کنت۔ اےشی ئَ ابید مزن وزیر ڈیووس ئَ اقوام متحدہ ئِ نوکیں سیکرٹری جنرل انٹونیو گیوٹریس ئُُ صدر سوئیٹزر لینڈ ڈورس لیتھرڈ ئِ گوں ہم گند ئُُ نند کنت۔ مزن وزیر پاکستانئَ سرمایہ کاری نوکیں حقیقت، ئِ موضوع ئِ سرا کساس 60سرکردہ کار ئُُ باری راھشون آنی یک مزنیں گروپ ئَ تران کنت۔ مزن وزیر نواز شریف یک گول میز کانفرنس ئَ بہر زوریت آئی ئَ آ چیدہ چیدہ تاجر راھشون آنی یک گروپ ئِ گوں پاکستانئَ رونما بوﺅکیں اقتصادی بدلی ئُُ ملکءَ سرمایہ کاری ئُُ اقتصادی موہ ئِ باروا ھیال ئُُ لیکھہ دنت۔ میاں استمانی اقتصادی فورم ئِ سالانہ مراگش ئَ سروک ملک ئُُ حکومت ، اُلسی مردم، سرکردہ تاجر راھشون، زانتکار وانگ ئُُ ھال رسانکی ئِ نمائندگ آنی ھواری ئَ سے ہزار ئَ چہ زیات مردم بہر زور انت۔ میاں استمانی اقتصادی فورم ئِ سالانہ مراگش میاں استمانی معیشت ئُُ سیاسی مسئلہ ئِ سرا یکجا سول ئُُ تران ئِ پلیٹ فارم دنت۔ مزن وزیر ڈیووس ئَ اے پڑئَ وتی رائے ئِ درشانی کنت۔ دفتر خارجہ ئِ ردا میاں استمانی اقتصادی فورم ئِ سالانہ مرگش ئَ مزن وزیر محمد نواز شریف ئِ بہر زورگ ئَ پاکستانئَ کارئُُ باری، سرمایہ کاری ئُُ واپاری موہ ئَ میاں استمانی برات آں آگاہ کنگ ئَ ہم کمک بہ رسیت۔
